କୋଟପାଡ଼,୨୬ା୬(କେ.ରାଜ ଶେଖର ରାଓ ):କୋରାପୁଟ ଜିଲା କୋଟପାଡ଼ ଅଞ୍ଚଳରେ ଚଳିତ ବର୍ଷ ରବି ଧାନମଣ୍ଡି ପ୍ରଶାସନ ପକ୍ଷରୁ ଚାଲିଛି। ତେବେ ଗତ କିଛି ଦିନ ଧରି ଟ୍ରକ ଟ୍ରକ ଧାନ ଆନ୍ଧ୍ର, ଛତିଶଗଡ଼ ଚାଲାଣ ହେବା ମଣ୍ଡି ପରିଚାଳନା ପ୍ରତି ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। କୌଣସି ପ୍ରଶାସନିକ ଅଧିକାରୀ ଏହାର ତଦନ୍ତ କରୁ ନ ଥିବାରୁ ବ୍ୟବସାୟୀ ଓ ମିଲର ବେଶ୍ ଉପକୃତ ହେଉଛନ୍ତି। ଚାଷୀ ମଣ୍ଡିରେ ଧାନ ଆଣି ବିକ୍ରି କଲେ କୁଇଣ୍ଟାଲ ପିଛା ୫/୭ କେଜି ମିଲର କାଟୁ ଥିବା ଚାଷୀ ଅଭିଯେଗ କରିଛନ୍ତି l ପ୍ରଶାସନିକ ଅଧିକାରୀମାନେ ଜାଣି ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହାନ୍ତି। ଏନେଇ ଚାଷୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।
କୋଟପାଡ଼ ଅଞ୍ଚଳରେ ଚାଷୀ ମଣ୍ଡିରେ କଟନୀଛଟନୀରେ ଅତିଷ୍ଠ ହୋଇ ବାହାର ବ୍ୟବସାୟୀଙ୍କୁ ଧାନ ବିକ୍ରି କରୁଛନ୍ତି। ବ୍ୟବସାୟୀମାନେ ଜାତୀୟ ରାଜପଥରେ ଟ୍ରକ ଲଗାଇ ସେଥିରେ ଓଭର ଲୋର୍ଡ କରି ପ୍ରଶାସନର ବିନା ଅନୁମତିରେ ଗଳି କନ୍ଦି ଦେଇ ସହର ଶେଷ ମୁଣ୍ଡରେ ପହଞ୍ଚତ୍ ଧାନ ଧରି ଚାଲିଯାଉଥିବା ଦେଖିବାକୁ ମିଳୁଛି। ଏହାକୁ ନା ଆରଟିଓ ନା ସ୍ଥାନୀୟ ଯୋଗାଣ ବିଭଗ କେହି ଯାଞ୍ଚ କରନାହାନ୍ତି। ରବିବାର ଘୁମର ପଞ୍ଚୟତରୁ ଏକ ଟ୍ରକ ଅଭର ଲୋଡ଼ କରି ଧାନ କେନ୍ଦୁଗୁଡା ଦେଇ ଜାତୀୟ ରାଜପଥକୁ ଯାଉଥିବା ବେଳେ ସମବାୟ କାର୍ଯ୍ୟାଳୟ ସମୁଖରେ ଏକ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଇଥିଲା। ଫଳରେ ତାର ଛିଣ୍ଡିବା ସହ ଦୁଇଟି ବିଦ୍ୟୁତ୍ ଖୁଣ୍ଟ ଭାଙ୍ଗି ଯାଇଥିଲା ଉପସ୍ଥିତ ଲୋକେ ତୁରନ୍ତ ବିଦ୍ୟୁତ୍ ଭିବାଗକୁ ଖବର ଦେବାରୁ କର୍ମଚାରୀମନେ ଆସି ତୁରନ୍ତ ବିଦ୍ୟୁତ୍ କାଟିଥିଲେ। ପରେ ସ୍ଥାନୀୟ ଲୋକେ ଏହି ଧାନ ଟ୍ରକକୁ ଅଟକାଇ ଧାନ କାହାର, କେଉଁଠାରୁ ଆସିଛି ପଚରାଉଚରା କରି ଏ ସମ୍ପର୍କରେ ସ୍ଥାନୀୟ ଯୋଗାଣ ବିବାଗ ଅଧିକାରୀ, ଏବଂ ପୋଲିସକୁ ଖବର ଦେଇଥିଲେ। ମାତ୍ର କେହି ମଧ୍ୟ ଘଟଣାକୁ ଯାଞ୍ଚ କରିବାକୁ ଆସି ନ ଥିଲେ। ଏନେଇ ଏସଆଇ ସୁନୀଲ ସ୍ବାଇଁଙ୍କୁ ପଚାରିବାରୁ ଓଭର ଲୋଡ଼ ଭାରିଯାନଗୁଡିକୁ ଆରଟିଓ ବିଭାଗ ଯାଞ୍ଚ କରିବ ବୋଲି କହିଥିଲେ। ସେହିପରି ଯୋଗାଣ ଭିବାଗ ଅଧିକାରୀ ସନ୍ତୋଷ ବେହେରାଙ୍କୁ ଯୋଗାଯୋଗ କରିବାରୁ ଚାଷୀ ନିଜ ଇଚ୍ଛାରେ ଧାନ ବିକ୍ରି କରୁଛନ୍ତି, ଏଥିରେ ଆମେ କଣ କରିପାରିବୁ। ଏବିଷୟରେ ଆମେ ଜ଼ିଲା ଯୋଗାଣ ଅଧିକାରୀଙ୍କୁ ଜଣାଇବୁ ବୋଲି କହିଥିଲେ। ଜୟପୁରସ୍ଥିତ ଜିଲା ଯୋଗାଣ ବିଭାଗ ଅଧିକାରୀ ପ୍ରଦୀପ ପଣ୍ଡାଙ୍କୁ ଯୋଗାଯୋଗ କରିବାରୁ ସେ ଫୋନ ଉଠାଇ ନ ଥିଲେ।