ବ୍ରହ୍ମପୁର ଅଫିସ୍,୧୩ା୯: ଲଘୁଚାପଜନିତ ଲଗାଣ ବର୍ଷା ଯୋଗୁ ବ୍ରହ୍ମପୁର ସହରର ଗିରି ମାର୍କେଟରେ ଥିବା ବହୁ ପୁରାତନ ଆନ୍ଧ୍ର ମହିଳା ସମାଜମ୍ କୋଠା ଭୁଶୁଡି ପଡ଼ିଛି।
ଏହି ଘଟଣାରେ କେହି ମୃତାହତ ହୋଇ ନ ଥିବା ଜଣାପଡିଛି। କିନ୍ତୁ କୋଠାରେ ରହିଥିବା ପାଠାଗାରଟି ସଂପୂର୍ଣ୍ଣ ଭୁଶୁଡି ପଡିଥିବାରୁ ବହୁ ପୁରୁଣା ପୁସ୍ତକ ମାଟି ତଳେ ପୋତି ହୋଇଯାଇଥିବା ସମାଜମ୍ ପକ୍ଷରୁ କୁହାଯାଇଛି। ଏ ସମ୍ପର୍କରେ ବ୍ରହ୍ମପୁର ମହାନଗର ନିଗମ (ବିଏମ୍ସି)କୁ ସମାଜମ୍ ପକ୍ଷରୁ ଜଣାଇବା ପରେ କମିଶନର ସିଦ୍ଧେଶ୍ୱର ବଳିରାମ ବୋନ୍ଦାର ଘଟଣା ସ୍ଥଳ ପରିଦର୍ଶନ କରିଥିଲେ। ବର୍ଷା କମିବା ପରେ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି କମିଶନର କହିଛନ୍ତି ।
