ଦୁବାଇ,୨।୧୧: କୋଲକତା ନାଇଟ୍ ରାଇଡର୍ସ(କେକେଆର୍) ଦଳର ମାଲିକ ଶାହାରୁଖ ଖାନ ଆଜି ତାଙ୍କର ୫୫ତମ ଜନ୍ମଦିନ ପାଳନ କରୁଛନ୍ତି। ମାଲିକଙ୍କ ଜନ୍ମଦିନ ଅବସରରେ ଦଳ ଏକ ସ୍ବତନ୍ତ୍ର ଭିଡିଓ ବାର୍ତ୍ତା ଶେୟାର କରିଛି। ଏହି ଭିଡିଓକୁ କେକେଆର୍ର ଅଫିସିଆଲ ସୋସିଆଲ ମିଡିଆ ଆକାଉଣ୍ଟରେ ଶେୟାର କରାଯାଇଛି। ଏହି ଭିଡିଓରେ ଦଳର ଅଧିନାୟକ ଖେଳାଳିମାନେ ଶାହାରୁଖ ଖାନଙ୍କ ସହ ସେମାନଙ୍କର ପୁରୁଣା ସ୍ମୃତି ବାଣ୍ଟିଥିଲେ ଏବଂ ତାଙ୍କୁ ଜନ୍ମଦିନରେ ଅଭିନନ୍ଦନ ଜଣାଇଥିଲେ। ଇଅନ ମୋର୍ଗାନ କହିଛନ୍ତି ଯେ ହଲିଉଡ ତାରକା ଟମ କ୍ରୁଜ ଅପେକ୍ଷା ଶାହରୁଖ ଖାନ ଅଧିକ ଆକର୍ଷଣୀୟ। ଦଳର ବିସ୍ଫୋରକ ଆନ୍ଦ୍ରେ ରସେଲ କହିଛନ୍ତି କହିଛନ୍ତି ଯେ, ଥରେ ଶାହରୁଖ ଖାନଙ୍କୁ ଭେଟିଥିଲେ। ସେ ମୋତେ ଆଲିଙ୍ଗନ କରିଥିଲେ। ମୁଁ ଜଣେ କଠୋର ବ୍ୟକ୍ତି ଭାବେ ପରିଚିତ, କିନ୍ତୁ ଶାହରୁଖ ଦେଖି ମୁଁ ଲାଜେଇ ଯାଇଥିଲି। ସେ ବହୁତ ଶାନ୍ତ। ଦଳର ଦ୍ରୁତ ବୋଲର ପ୍ୟାଟ କମିନ୍ସ ଶାହରୁଖ ଖାନଙ୍କୁ ତାଙ୍କ ଜନ୍ମଦିନରେ ଅଭିନନ୍ଦନ ଜଣାଇ କହିଛନ୍ତି ଯେ, ତୁମେ ୫୫ ବର୍ଷ ନୁହେଁ, ୨୧ ବର୍ଷ ବୟସର ଯୁବକ ଭଳି ଜଣାପଡୁଛ। କେକେଆର୍ ଟିମ୍ ଏବେ ଆଇପିଏଲ୍ ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ଅଛି।