ଲକ୍ଷ୍ନୌ,୨୨।୯: ସରୟୁ ଏକ୍ସପ୍ରେସରେ ମହିଳା କନଷ୍ଟେବଳଙ୍କ ଉପରେ ଆକ୍ରମଣ କରିଥିବା ଅପରାଧୀ ଅନିସଙ୍କର ପୋଲିସ ଏନକାଉଣ୍ଟରରେ ମୃତ୍ୟୁ ହୋଇଛି। ଏସଟିଏଫ ଓ ଅଯୋଧ୍ୟା ପୋଲିସର ଜଏଣ୍ଟ ଅପରେଶନରେ ହୋଇଥିବା ଏହି ଏନକାଉଣ୍ଟରେ ଅଭିଯୁକ୍ତଙ୍କର ମୃତ୍ୟୁ ହୋଇଥିବା ଜଣାପଡିଛି।
ତାଙ୍କର ଅନ୍ୟ ଦୁଇ ସାଥୀ ମଧ୍ୟ ଆହତ ହୋଇଛନ୍ତି। ଏହି ଏନକାଉଣ୍ଟରରେ ଏସଓ ପୁରାକଲନ୍ଦର ରତନ ଶର୍ମା ଏବଂ ଅନ୍ୟ ଦୁଇ କନଷ୍ଟେବଳ ମଧ୍ୟ ଆହତ ହୋଇଥିବା ସୂଚନା ମିଳିଛି। ଏହି ଅଞ୍ଚଳର ପୁରାକଲନ୍ଦର ପୋଲିସ ଷ୍ଟେଶନର ଛତରିବା ପାରା କେଏଲ ରାସ୍ତାରେ ଏହି ଏନକାଉଣ୍ଟର ହୋଇଥିଲା। ସେହିଭଳି ଇନାୟତ ନଗର ପୋଲିସ ଷ୍ଟେଶନର ଅନ୍ୟ ଦୁଇ ଅଭିଯୁକ୍ତଙ୍କୁ ମଧ୍ୟ ପୋଲିସ ଏନକାଉଣ୍ଟରରେ ଗିରଫ କରାଯାଇଛି।
ସାୱନ ମେଳା ସମୟରେ ସରୟୁ ଏକ୍ସପ୍ରେସରେ ଜଣେ ମହିଳା ହେଡ କନଷ୍ଟେବଳଙ୍କୁ ଆକ୍ରମଣ କରାଯାଇଥିଲା। ମହିଳା ଜଣକ ଗୁରୁତର ଅବସ୍ଥାରେ ଲକ୍ଷ୍ନୌ ଟ୍ରମା ସେଣ୍ଟରରେ ଭର୍ତ୍ତି ହୋଇଥିଲେ ଯେଉଁଠାରେ ସେ ଚିକିତ୍ସିତ ହେଉଛନ୍ତି। ଏହି ଘଟଣାର ଉନ୍ମୋଚନ ପାଇଁ ଏସଟିଏଫ ଏବଂ ଜିଆରପି ନିୟୋଜିତ କରାଯାଇଥିଲା। ଅଗଷ୍ଟ ୩୦ରେ ଏହି ଘଟଣା ଘଟିଥିଲା। କୋର୍ଟ ମଧ୍ୟ ଏହି ଘଟଣାର ଅବଗତ ହୋଇଥିଲେ ଏବଂ ମଧ୍ୟରାତ୍ରିରେ କୋର୍ଟ ଖୋଲିବା ପରେ ଶୁଣାଣି ହୋଇଥିଲା।
ସୂଚନାନୁସାରେ, ଏନକାଉଣ୍ଟରରେ ନିହତ ହୋଇଥିବା ଅନିସ ମହିଳା କନଷ୍ଟେବଳଙ୍କୁ ଅସଦାଚରଣ କରିବା ଆରମ୍ଭ କରିଥିଲେ। ଯେତେବେଳେ ମହିଳା ଜଣକ ଦୁଷ୍କର୍ମକାରୀଙ୍କୁ ଫିଙ୍ଗିଦେଲେ, ସେତେବେଳେ ତିନିଜଣ ଦୁଷ୍କର୍ମକାରୀ ମହିଳାଙ୍କୁ ଅତି ଜଘନ୍ୟ ଭାବେ ଆକ୍ରମଣ କରିଥିଲେ। ଟ୍ରେନ ଝରକା ଉପରେ ମହିଳା ଜଣଙ୍କ ମୁଣ୍ଡକୁ ଆଘାତ କରି ଆହତ କରି ଦେଇଥିଲେ। ଅଯୋଧ୍ୟା ପୂର୍ବରୁ ଟ୍ରେନ ମନ୍ଥର ଗତିରେ ଥିବାରୁ ତିନିଜଣ ଦୁର୍ବବ୍ୟହାରକାରୀ ପଳାଇ ଯାଇଥିଲେ। ଉତ୍ତର ପ୍ରଦେଶ ଏସଟିଏଫ ଏବଂ ଅଯୋଧ୍ୟା ପୋଲିସ ଜଣେ ମହିଳା କନଷ୍ଟେବଳଙ୍କ ଉପରେ ସାଂଘାତିକ ଆକ୍ରମଣ କରିଥିବା ଜଣେ ଅପରାଧୀଙ୍କୁ ହତ୍ୟା କରିଛି। ଆହତ ଅପରାଧୀ ଆନିସର ଅନ୍ୟ ଦୁଇ ସହଯୋଗୀ ଆଜାଦ ଏବଂ ବିଶାମବର ଦୟାଲ ଓରଫ ଲାଲୁ ଆହତ ହୋଇଛନ୍ତି।