ନୂଆଦିଲ୍ଲୀ,୧୮।୭(ପି.ଟି.): ଭାରତୀୟ ଉଦୀୟମାନ ମହିଳା ଆମେଚର ଗଲ୍ଫର ଅନିକା ବର୍ମା ଏବେ ଏକ ବିଶ୍ୱସ୍ତରୀୟ ଚାମ୍ପିୟନଶିପ୍ରେ ଅଂଶଗ୍ରହଣ କରିବାକୁ ଯାଉଛନ୍ତି। ଅଗଷ୍ଟ ୬ରୁ ୯ ତାରିଖ ମଧ୍ୟରେ ରକ୍ଭିଲେର ଉଡ୍ମୋଣ୍ଟ କଣ୍ଟ୍ରି କ୍ଲବ ନଥ କୋର୍ସରେ ଆୟୋଜନ ହେବାକୁ ଥିବା ୧୨୦ତମ ୟୁଏସ୍ ମହିଳା ଆମେଚର ଚାମ୍ପିୟନଶିପ୍ରେ ଅଂଶଗ୍ରହଣ କରିବେ। କୋଭିଡ୍-୧୯ ମହାମାରୀ କାରଣରୁ ଆୟୋଜକମାନେ କ୍ୱାଲିଫାଇଂ ଟୁର୍ନାମେଣ୍ଟକୁ ବାତିଲ କରିବାକୁ ବାଧ୍ୟ ହୋଇଛନ୍ତି। ତେଣୁ ଏହି ଟୁର୍ନାମେଣ୍ଟ ସବୁ ଖେଳାଳିଙ୍କୁ ଅଂଶଗ୍ରହଣ କରିବାର ସୁଯୋଗ ମିଳିବ। ଅଗଷ୍ଟ ୩ ଓ ୪ରେ ଦୁଇ ରାଉଣ୍ଡର ଷ୍ଟ୍ରୋକ୍ ପ୍ଲେ ଖେଳାଯିବା ପରେ ଶ୍ରେଷ୍ଠ ୬୪ ଜଣ ଖେଳାଳି ମ୍ୟାଚ୍- ପ୍ଲେ ପର୍ସନକୁ ଅଗ୍ରଗତି କରିବେ।
୧୬ ବର୍ଷୀୟା ଅନିକା ଏବେ ଆମେରିକାରେ ରହୁଛନ୍ତି। କୋଭିଡ୍-୧୯ ବିପତ୍ତିରେ ସେ ଆମେରିକାରେ ରହିବାକୁ ଶ୍ରେୟସ୍କର ମଣିଛନ୍ତି। ୨୦୨୦ ଜୁନ୍ ୨୪ ସୁଦ୍ଧା ମହିଳା ବିଶ୍ୱ ଆମେଚର ଗଲ୍ଫ ର଼୍ୟାଙ୍କିଙ୍ଗ୍ (ଡବ୍ଲ୍ୟୁଜିଏଆର)ର ଶ୍ରେଷ୍ଠ ୭୫ ଜଣ ଖେଳାଳି ଚାମ୍ପିୟନଶିପ୍ରେ ଅଂଶଗ୍ରହଣ କରିବେ। ଏଣ୍ଟ୍ରି ଫାଇଲ କରିବାକୁ ଆମକୁ କୁହାଯାଇଥିଲା। ଏବେ ଟୁର୍ନାମେଣ୍ଟର ଅଂଶଗ୍ରହଣ କରିବାକୁ ସୁଯୋଗ ପାଇଛୁ ବୋଲି ଆୟୋଜକ ସୂଚନା ଦେଇଛନ୍ତି। ଆମେରିକାର ରୋଜଭିଲେ ଗ୍ରାନାଇଟ୍ ବେ ହାଇସ୍କୁଲ୍ରେ ଅନିକା ଏବେ ପଢୁଛନ୍ତି। ମହାମାରୀ ଦ୍ୱାରା ଅଭ୍ୟାସ ପ୍ରଭାବିତ ହୋଇଛି ବୋଲି କହିଛନ୍ତି। ଏହି ଟୁର୍ନାମେଣ୍ଟରେ ଅଂଶଗ୍ରହଣ କରିବାର ସୁଯୋଗ ମିଳିଥିବାରୁ ସେ ଖୁସି ଜାହିର କରିଛନ୍ତି। ଆମେରିକାରେ ରହିବା ବେଳେ ଅନିକା କାକ୍ଟସ୍ ଟୁରରେ ନିୟମିତ ଭାବେ ଅଂଶଗ୍ରହଣ କରିଆସୁଥିଲେ। ୨୦୧୯ରେ ଲେଡିଜ୍ ୟୁରୋପିଆନ ଟୁର (ଏଲ୍ଇଟି) ଇଭେଣ୍ଟରେ ପଞ୍ଚମ ସ୍ଥାନରେ ରହିଥିଲେ। ଭାରତୀୟ ଦୃଷ୍ଟିକୋଣରୁ ଦେଖିବାକୁ ଗଲେ ସେ ଶ୍ରେଷ୍ଠ ଆମେଚର ଗଲ୍ଫର ବିବେଚିତ ହେଉଛନ୍ତି। ଏହି ଚାମ୍ପିୟନଶିପ୍ରେ ବିଶ୍ୱର ଶ୍ରେଷ୍ଠ ଗଲ୍ଫର ଅଂଶଗ୍ରହଣ କରିବାର କାର୍ଯ୍ୟକ୍ରମ ରହିଛି।