ମୁମ୍ବାଇ: ବଲିଉଡ୍ ସୁପରଷ୍ଟାର ଅନିଲ କପୁର କେବଳ ଜଣେ ଫିଟ୍ ଅଭିନେତା ନୁହନ୍ତି, ଜଣେ ଭଲ ପିତା ଏବଂ ସ୍ବାମୀ ମଧ୍ୟ। ଆଜି ଅର୍ଥାତ୍ ୧୯୮୪ ମେ’ ୧୯ରେ ଅନିଲ କପୁର ସୁନିତାଙ୍କୁ ବିବାହ କରିଥିଲେ। ଆଜି ଏହି ସୁପରହିଟ୍ ଦମ୍ପତି ୩୮ ତମ ବିବାହ ବାର୍ଷିକୀ ପାଳନ କରୁଛନ୍ତି। ସୁନିତା ସୋସିଆଲ ମିଡିଆରେ ନୂଆ ପୁରୁଣା କିଛି ଫଟୋ ଶେୟାର କରି ଅନିଲଙ୍କୁ ବିବାହ ବାର୍ଷିକୀରେ ତାଙ୍କର ସର୍ବୋତ୍ତମ ବନ୍ଧୁ ବୋଲି ବର୍ଣ୍ଣନା କରିଛନ୍ତି। ସେମାନଙ୍କର ଦାମ୍ପତ୍ୟ ଜୀବନ କେତେ ଖୁସି ତାହା ଏହି ପୋଷ୍ଟରେ ଦର୍ଶାଯାଇଛି।
ଅନିଲ-ସୁନିତାଙ୍କ ଯୋଡ଼ି ବଲିଉଡ୍ର ସଫଳ ଦମ୍ପତିମାନଙ୍କ ମଧ୍ୟରୁ ଅନ୍ୟତମ। ସେମାନଙ୍କ ପ୍ରେମ ଏବଂ ବିବାହର କାହାଣୀ ଫିଲ୍ମଠୁ ବି କମ୍ ନୁହେଁ। ଅନିଲ ଏବଂ ସୁନିତା ୧୧ ବର୍ଷ ଡେଟିଂ କରିବା ପରେ ବିବାହ କରିଥିଲେ। ଯେତେବେଳେ ଅନିଲ ସଂଘର୍ଷ କରୁଥିଲେ, ସେତେବେଳେ ତାଙ୍କର ପ୍ରେମ କାହାଣୀ ଆରମ୍ଭ ହୋଇଥିଲା। ଅନିଲ ନିଜକୁ ପ୍ରତିଷ୍ଠିତ କରିବାରେ ବ୍ୟସ୍ତ ଥିବା ବେଳେ ସୁନିତା ମଧ୍ୟ ମଡେଲିଂ ଦୁନିଆରେ ପାଦ ଦେଉଥିଲେ। କୁହାଯାଏ, ବିଫଳତା ସମୟରେ ସୁନିତା ଅନିଲଙ୍କୁ ବହୁତ ସମର୍ଥନ କରିଥିଲେ। ଯେଉଁଥିପାଇଁ ଫିଲ୍ମ ଇଣ୍ଡଷ୍ଟ୍ରିରେ ଏତେ ନାୟିକାଙ୍କ ସହ କାମ କରିବା ପରେ ମଧ୍ୟ ସେ ତାଙ୍କ ପ୍ରେମିକାଙ୍କୁ ଜୀବନସାଥୀ କରିଥିଲେ।