ବରୁଣ ଧାୱନ, କିଆରା ଆଡଭାନୀଙ୍କ ବହୁପ୍ରତୀକ୍ଷିତ ଫିଲ୍ମ ‘ଜୁଗ୍ ଜୁଗ୍ ଜିଓ’ର ଟ୍ରେଲର ଆଜି ରିଲିଜ୍ ହୋଇଛି। ଏହି ଫିଲ୍ମଟି ଏକ ପାରିବାରିକ ଡ୍ରାମା ଉପରେ ପର୍ଯ୍ୟବେସିତ ହୋଇଛି। ଦୁଇ ମିନିଟ ୫୬ ସେକେଣ୍ଡର ଏହି ଟ୍ରେଲରରେ ଗୋଟିଏ ପରିବାରର କାହାଣୀ ଦେଖିବାକୁ ମିଳିଛି। ଟ୍ରେଲରରେ ଅନିଲ କପୁର ଏବଂ ବରୁଣ ଧାୱନଙ୍କ ଯୋଡି ଚମତ୍କାର ଦେଖାଯାଉଛି।
ଫିଲ୍ମର ନିର୍ମାତା ଟ୍ରେଲର ପୂର୍ବରୁ ଶନିବାର ଫିଲ୍ମର ପୋଷ୍ଟର ମଧ୍ୟ ଶେୟାର କରିଥିଲେ। ଏହି ପୋଷ୍ଟରରେ ଅନିଲ କପୁର, ବରୁଣ ଧାୱନ ଏବଂ କିଆରା ଆଡଭାନୀ ହସୁଥିବା ଦେଖିବାକୁ ମିଳିଛି।
ଏହି ଫିଲ୍ମରେ ବିବାହିତ ଦମ୍ପତିଙ୍କ ଜୀବନ ଏବଂ ସେମାନେ ସମ୍ମୁଖୀନ ହେଉଥିବା ଚ୍ୟାଲେଞ୍ଜଗୁଡ଼ିକ ଚିତ୍ରିତ ହୋଇଛି। ଏହି ପିଲ୍ମର ନିର୍ଦ୍ଦେଶନା ଦେଇଛନ୍ତି ରାଜ ମେହେଟ୍ଟା। ଫିଲ୍ମରେ ଜବରଦସ୍ତ ଷ୍ଟାରକାଷ୍ଟ ଦେଖିବାକୁ ମିଳିବ। ଫିଲ୍ମ ‘ଜୁଗ୍ ଜୁଗ୍ ଜିଓ’ ଜୁନ ୨୪ରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଧର୍ମା ପ୍ରଡକ୍ସନ୍ସର ବ୍ୟାନରରେ ଏହି ଫିଲ୍ମଟି ନିର୍ମିତ ହୋଇଛି। ବରୁଣ ଧାୱନ, କିଆରା ଆଡଭାନୀ, ନୀତୁ କପୁର, ଅନିଲ କପୁର ମନୀଷ ପାଲ, ପ୍ରସିଦ୍ଧ ୟୁଟ୍ୟୁବର୍ ପ୍ରାଜକ୍ତା କୋଲି ପ୍ରମୁଖ ଫିଲ୍ମରେ ନଜର ଆସିବେ।
