ପ୍ରଥମ ଦିନରେ ଇତିହାସ ରଚିଲା ଆନିମଲ, ବିଶ୍ୱବ୍ୟାପୀ କଲା ବମ୍ପର ରୋଜଗାର, ଭାଙ୍ଗିଲା ପଠାନ ରେକର୍ଡ

ମୁମ୍ବାଇ: ଅଭିନେତା ରଣବୀର କପୁରଙ୍କ ଫିଲ୍ମ ଆନିମଲ କେବଳ ଦେଶରେ ନୁହେଁ ସମଗ୍ର ବିଶ୍ୱରେ ଜବରଦସ୍ତ ପ୍ରତିକ୍ରିୟା ପାଇଛି। ଫିଲ୍ମଟି ଶୁକ୍ରବାର ପ୍ରେକ୍ଷାଳୟରେ ମୁକ୍ତିଲାଭ କରିଥିବା ବେଳେ ଏହା ବକ୍ସ ଅଫିସରେ ରେକର୍ଡ ସୃଷ୍ଟି କରିଛି। ସନ୍ଦୀପ ରେଡ୍ଡୀ ବାଙ୍ଗାଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର କେବଳ ଦେଶରେ ନୁହେଁ, ବିଶ୍ୱବ୍ୟାପୀ ମଧ୍ୟ ଏକ ବମ୍ପର ରୋଜଗାର କରିଛି। ଆସନ୍ତୁ ଜାଣିବା ପ୍ରଥମ ଦିନରେ ବିଶ୍ୱ ବକ୍ସ ଅଫିସରେ ଆନିମଲ କେତେ କୋଟି ସଂଗ୍ରହ କରିଛି?

ଆନିମଲର ଜ୍ୱର ସାରା ବିଶ୍ୱରେ ବ୍ୟାପିଛି। ଚଳଚ୍ଚିତ୍ରଟି କେବଳ ଘରୋଇ ବଜାରରେ ନୁହେଁ, ବିଦେଶ ବଜାରରେ ମଧ୍ୟ ସକାରାତ୍ମକ ପ୍ରତିକ୍ରିୟା ପାଇଛି ଏବଂ ଏହା ସହିତ ଫିଲ୍ମ ରିଲିଜ ହେବାର ପ୍ରଥମ ଦିନରେ ରେକର୍ଡ ଭାଙ୍ଗିଛି। ଫିଲ୍ମର ନିର୍ମାତା ଏକ୍ସରେ ଏକ ପୋଷ୍ଟ ଶେୟାର କରି କହିଛନ୍ତି ଯେ ସାରା ବିଶ୍ୱରେ ଆନିମଲ ୧୧୬ କୋଟିର ଦମ୍‌ଦାର ଓପନିଙ୍ଗ୍‌ କରିଛି।