ବମ୍ବେ: କଥାରେ ଅଛି ମା’ ହେବା ପରେ ନାରୀଟିଏ ପୂର୍ଣ୍ଣତା ପାଏ। ନିଜର ସନ୍ତାନକୁ ଠିକ୍ ଭାବେ ଲାଳନପାଳନ କରିବା ପାଇଁ ମା’ଟିଏ ସବୁ ତ୍ୟାଗ କରିପାରେ। ସେଭଳି କିଛି କରିଛନ୍ତି ଅଭିନେତ୍ରୀ ଅନିତା ହସନନ୍ଦାନୀ। ଟେଲି ପରଦାର ଏହି ଲୋକପ୍ରିୟ ଅଭିନେତ୍ରୀ ଅଭିନୟକୁ ବାଏ ବାଏ କହିଛନ୍ତି।
ନିକଟରେ ସେ ମା’ ହୋଇଥିଲେ। ଏବେ ସେ ନିଜର ଶିଶୁପୁତ୍ର ସହ ସମୟ ଅତିବାହିତ କରୁଛନ୍ତି। ହେଲେ ସେ ଅଭିନୟକୁ ଶୀଘ୍ର ଫେରିପାରନ୍ତି ବୋଲି ଆଶା କରାଯାଉଥିଲା। ମାତ୍ର ନା। ଏକ ସାକ୍ଷାତକାରରେ ଅନିତା ଆଉ ଅଭିନୟକୁ ଫେରିବେ ନାହିଁ ବୋଲି କହିଛନ୍ତି। ସେ ଏବେ ପୁଅଙ୍କ ସହ ଘରେ ରହିବାକୁ ଚାହୁଁଛନ୍ତି। କାମ କରିବା ଦ୍ୱାରା ତାହା ସମ୍ଭବ ହେବ ନାହିଁ ବୋଲି ଅନିତା କହିଛନ୍ତି।
ତେବେ ପୂର୍ବରୁ ମା’ ହେବା ପରେ ଇଣ୍ଡଷ୍ଟ୍ରୀ ଛାଡ଼ିବେ ବୋଲି ନିଷ୍ପତ୍ତି ନେଇଥିଲେ। କାରଣ ପିଲାକୁ ସମୟ ଦେବାଠାରୁ ଗୁରୁତ୍ୱପୂର୍ଣ୍ଣ ଆଉ କିଛି ଲାଗୁନାହିଁ। କେବେ ସେ ପୁଣି ଫେରିବେ ତାହା ସେ ଜାଣନ୍ତି ନାହିଁ ବୋଲି ଅନିତା ମଧ୍ୟ କହିଛନ୍ତି।