ସୁଶାନ୍ତ ସିଂ ରାଜପୁତଙ୍କ ଶ୍ରାଦ୍ଧ ବାର୍ଷିକୀ ପୂର୍ବରୁ ଭାବପ୍ରବଣ ହେଲେ ଅଙ୍କିତା

ଅଭିନେତ୍ରୀ ଅଙ୍କିତା ଲୋଖଣ୍ଡେ ଏବଂ ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମଧ୍ୟରେ ପ୍ରେମ ସମ୍ପର୍କ ଥିଲା। ଅଙ୍କିତା ସୁଶାନ୍ତଙ୍କ ପ୍ରତି ତାଙ୍କ ପ୍ରେମ ବ୍ୟକ୍ତ କରିବାରେ କେବେ ପଛେଇ ନାହାନ୍ତି। ତେବେ ପ୍ରେମର କିଛି ବର୍ଷ ପରେ ଏହି ଲଭ ବାର୍ଡ ଅଲଗା ହୋଇଥିଲେ। ହୁଏତ ଅଙ୍କିତା କିଛି ବର୍ଷ ସୁଶାନ୍ତଙ୍କ ସହିତ ପ୍ରେମ ସମ୍ପର୍କ ଶେଷ କରିଥିଲେ। ମାତ୍ର ସେ ଆଜି ମଧ୍ୟ ସୁଶାନ୍ତଙ୍କୁ ତାଙ୍କ ସ୍ମୃତିରୁ ଅଲଗା କରିପାରି ନାହାନ୍ତି। ଅଭିନେତ୍ରୀ ସୁଶାନ୍ତଙ୍କ ସ୍ମୃତିରେ ଅନେକ କିଛି ଶେୟାର କରିଥାନ୍ତି।

ନିକଟରେ, ଅଭିନେତ୍ରୀ ସିରିଏଲ ‘ପବିତ୍ରରିସ୍ତା’କୁ ୧୨ ବର୍ଷ ପୂରଣ ଲାଗି ଏକ ପୋଷ୍ଟ ଶେୟାର କରିଥିଲେ। ଏହି ସିରିଏଲରେ ସୁଶାନ୍ତ ଏବଂ ଅଙ୍କିତା ମୁଖ୍ୟ ଭୂମିକାରେ ଅଭିନୟ କରିଥିଲେ। ଏହି ଶୋ, ଯାହା ଉଭୟଙ୍କ ହୃଦୟକୁ ମିଶେଇଥିଲା। ବର୍ତ୍ତମାନ ସୁଶାନ୍ତ ସିଂ ରାଜପୁତଙ୍କ ଶ୍ରାଦ୍ଧ ବାର୍ଷିକୀ ପାଖେଇ ଆସୁଥିବାରୁ ଅଙ୍କିତା ଲୋଖଣ୍ଡେ ପୁଣି ଥରେ ଭାବପ୍ରବଣ ହୋଇପଡିଛନ୍ତି। ଅଙ୍କିତା ଲୋଖଣ୍ଡେ ତାଙ୍କ ଇନଷ୍ଟା ଷ୍ଟୋରିରେ ଏହା ପ୍ରକାଶ କରିଛନ୍ତି ।

ସେ ନିଜ ଇନଷ୍ଟା ଷ୍ଟୋରିରେ ଜୁନ ଲେଖିବାବେଳେ ଏକ ବ୍ରୋକେନ ହାର୍ଟର ଇମୋଜି ପୋଷ୍ଟ କରିଥିଲେ। ଯାହା ଦର୍ଶାଏ ଯେ, ଜୁନ ଆସିବା ମାତ୍ରେ ଅଭିନେତ୍ରୀ ବହୁତ ଭାବପ୍ରବଣ ହୋଇଯାଇଛନ୍ତି । କାରଣ, ଏହି ମାସରେ ସୁଶାନ୍ତ ସିଂ ରାଜପୁତ ଦୁନିଆରୁ ବିଦାୟ ନେଇଥିଲେ। ଜୁନ ୧୪ରେ ତାଙ୍କ ବାନ୍ଦ୍ରା ଆପାର୍ଟମେଣ୍ଟରୁ ମୃତଦେହ ଜବତ ହୋଇଥିଲା। ସୁଶାନ୍ତଙ୍କ ମୃତ୍ୟୁ ପରେ ଅଙ୍କିତା ତାଙ୍କ ପରିବାର ସହିତ ଛିଡା ହୋଇଥିଲେ।