ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାର ଦେଢମାସ ବିତିଯାଇଥିଲେ ମଧ୍ୟ ତାଙ୍କୁ ନେଇ ଚର୍ଚ୍ଚା ଥମୁନି। ଧୀରେ ଧୀରେ ଆତ୍ମହତ୍ୟା ମାମଲା ଜଟିଳ ହେବାରେ ଲାଗିଛି। ସୁଶାନ୍ତଙ୍କ ପିତା କେ.କେ ସିଂ ରିୟା ଚକ୍ରବର୍ତ୍ତୀ ଏବଂ ତାଙ୍କ ପରିବାର ବିରୋଧରେ ଏକ ମାମଲା ରୁଜୁ କରି ଅନେକ ଗୁରୁତର ଅଭିଯୋଗ ଆଣିବା ପରେ ଏହି ଘଟଣା ନୂଆ ମୋଡ ନେଇଛି। ସୁଶାନ୍ତଙ୍କ ପିତାଙ୍କ ଅନୁଯାୟୀ ରିୟା ସୁଶାନ୍ତଙ୍କୁ ଆତ୍ମହତ୍ୟା ପାଇଁ ପ୍ରବର୍ତ୍ତାଇଛନ୍ତି। ଏହାପରେ ସୁଶାନ୍ତଙ୍କ ପୂର୍ବତନ ଗର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେ ମଧ୍ୟ ଏକ ଇନଷ୍ଟାଗ୍ରାମ ପୋଷ୍ଟ ଶେୟାର କରି ଲେଖିଥିଲେ ଯେ ସତ୍ୟ ସର୍ବଦା ଜିତେ। ଅଙ୍କିତା ନିକଟରେ ଏକ ସାକ୍ଷାତକାରରେ ସୁଶାନ୍ତଙ୍କ ସହ ଜଡିତ ଅନେକ କଥା ଖୁଲାସା କରିଥିଲେ। ଅଙ୍କିତା ଏହା ମଧ୍ୟ କହିଛନ୍ତି ଯେ ସେ, କାହିଁକି ସୁଶାନ୍ତଙ୍କ ଅନ୍ତିମ ସଂସ୍କାରରେ ଯୋଗ ଦେଇନାହାଁନ୍ତି। ଜଣେ ସାମ୍ବାଦିକ ମୋତେ ଫୋନ କରି କହିଥିଲେ ଯେ, ସୁଶାନ୍ତ ଆତ୍ମହତ୍ୟା କରିଛନ୍ତି ଏବଂ ଏହା ଶୁଣି ମୋର ପାଦ ତଳୁ ଭୂମି ଖସି ପଡିଲା ଭଳି ଲାଗିଥିଲା। ଭାବିଥିଲି ମୁଁ ଆଉ ନାହିଁ। ସେଦିନ ସ୍ଥିର କରିଥିଲି ଯେ ମୁଁ ତାଙ୍କ ଅନ୍ତିମ ସଂସ୍କାରରେ ଯୋଗ ଦେଇ ପାରିବି ନାହିଁ କାରଣ ମୁଁ ଜାଣିଥିଲି ଯେ ଯଦି ମୁଁ ସୁଶାନ୍ତଙ୍କୁ ସେହି ପରିସ୍ଥିତିରେ ଦେଖି ପାରି ନ ଥା’ନ୍ତି ବୋଲି ଅଙ୍କିତା କହିଛନ୍ତି। ସୁଶାନ୍ତ ଏବଂ ଅଙ୍କିତା ୫ ବର୍ଷ ଧରି ପ୍ରେମ ସମ୍ପର୍କରେ ଥିଲେ। ୨୦୧୬ରେ ଉଭୟଙ୍କ ବ୍ରେକଅପ୍ ହୋଇଯାଇଥିଲା।
