ବମ୍ବେ: ବିଗ୍ବସ୍ ୧୭ ଫାଇନାଲ ପୂର୍ବରୁ ଶୋ’ରୁ ବିଦା ହୋଇଛନ୍ତି ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କ ସ୍ବାମୀ ବିକ୍କି ଜୈନ। ଏବେ ସେ ଘରୁ ବାହାରେ ଥିବା ବେଳେ ଭିନ୍ନ କାରଣକୁ ନେଇ ଚର୍ଚ୍ଚାକୁ ଆସିଛନ୍ତି। ସେଇଟି ହେଲା ‘ପାର୍ଟି’। ଶୋ’ରୁ ବାହାର ହେବା ପରେ ବିକ୍କି ଜୋରଦାର ପାର୍ଟି କରୁଛନ୍ତି। ଏହାର ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି।
ଅଙ୍କିତା ବିକ୍କିଙ୍କୁ ପାର୍ଟି ନ କରିବାକୁ କହିଥିଲେ। ହେଲେ ବିଗ୍ବସ୍ ଘରୁ ବାହାରିବା ପରେ ପୂର୍ବ ପ୍ରତିଯୋଗୀ ଏବଂ ବନ୍ଧୁମାନଙ୍କ ସହ ସେ ପାର୍ଟି କରୁଥିବା ଦେଖାଯାଇଛି। ସେମାନଙ୍କ ମଧ୍ୟରୁ ଜଣେ ଯୁବତୀଙ୍କ ସହ ତାଙ୍କ ନାମକୁ ମଧ୍ୟ ଯୋଡ଼ାଯାଉଛି। ସେ ହେଲେ ଅଭିନେତ୍ରୀ ତଥା ସୋସିଆଲ ମିଡିଆ ଇନ୍ଫ୍ଲୁଏନ୍ସର ପୂର୍ବା ରାଣା। ଉଭୟଙ୍କ କିଛି ଫଟୋ ଚର୍ଚ୍ଚାର ବିଷୟ ପାଲଟିଛି।
View this post on Instagram
ଫଟୋକୁ ଦେଖି ଅଙ୍କିତାଙ୍କ ପ୍ରଶଂସକ ବିକ୍କିଙ୍କୁ ଟ୍ରୋଲ କରୁଛନ୍ତି। ଶତ୍ରୁ ହଜାରେ ପଛେ ମିଳନ୍ତୁ ହେଲେ ବିକ୍କିଙ୍କ ଭଳି ସ୍ବାମୀ କାହାକୁ ନ ମିଳୁ ବୋଲି ଅନେକ କହୁଛନ୍ତି। ଏବେ ପୂର୍ବା ସଫେଇ ଦେଇ ବିକ୍କିଙ୍କ ସହ ତାଙ୍କର ସେଭଳି କିଛି ସମ୍ପର୍କ ନ ଥିବା କହିଛନ୍ତି। ହେଲେ ଏହା କେତେ ସତ କେତେ ମିଛ ତାହା ଆଗାମୀ ଦିନରେ ସ୍ପଷ୍ଟ ହେବ।
