ଡେରାଡୁନ,୨୫ ।୯: ଉତ୍ତରାଖଣ୍ଡରେ ୧୯ ବର୍ଷୀୟା ଅଙ୍କିତା ଭଣ୍ଡାରୀ ହତ୍ୟାକାଣ୍ଡକୁ ନେଇ ଏବେ ସରକାର ଆକ୍ସନ ମୁଡକୁ ଆସିଯାଇଛନ୍ତି । ଲୋକଙ୍କ ଆକ୍ରୋଶ ମଧ୍ୟରେ ରାଜ୍ୟ ସରକାର ଶନିବାର ନୈନିତାଲ ଜିଲାର ୫ ରିସର୍ଟକୁ ସିଲ କରି ଦେଇଛନ୍ତି । ଅଙ୍କିତା ହତ୍ୟାକାଣ୍ଡ ପରେ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଜିଲାଧିକାରୀଙ୍କୁ ଉତ୍ତରାଖଣ୍ଡରେ ଥିବା ସମସ୍ତ ରିସର୍ଟର ଯାଞ୍ଚ କରିବାକୁ ନିର୍ଦ୍ଦେଶ ଦେଇଛନ୍ତି ।
ଏହି କ୍ରମରେ ଏବେ ଧରାତଲ ଉପରେ କାର୍ଯ୍ୟାନୁଷ୍ଠାନ ଆରମ୍ଭ ହୋଇଛି । ନୈନିତାଲ ଜିଲାରେ ଜିଲାଧିକାରୀ ଧିରାଜ ଗବର୍ୟାଲଙ୍କ ନିର୍ଦ୍ଦେଶ କ୍ରମେ ୫ଟି ରିସର୍ଟକୁ ସିଲ କରି ଦିଆଯାଇଛି । ମୁଖ୍ୟମନ୍ତ୍ରୀ ଗତ ରାତିରେ ସମସ୍ତ ରିସର୍ଟର ଯାଞ୍ଚ ନିର୍ଦ୍ଦେଶ ଦେଇଥିଲେ । ମୁଖ୍ୟମନ୍ତ୍ରୀ ଆହୁରି ମଧ୍ୟ ନିର୍ଦ୍ଦେଶ ଦେଇଥିଲେ କି ଯେଉଁ ରିସର୍ଟ ଅବୈଧ ଭାବେ ନିର୍ମାଣ କରାଯାଇଛି ଅବା ଅବୈଧାନିକ ଭାବେ ସଂଚାଳିତ ହେଉଛି ସେମାନଙ୍କ ବିରୋଧରେ ଯଥାଶୀଘ୍ର ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ।
