ମୁମ୍ବାଇ, ୨୫।୭: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଶେଷ ଫିଲ୍ମ ଦିଲ୍ ବେଚାରା ଇତିମଧ୍ୟରେ ରିଲଜ୍ ହୋଇଛି। ଏହାକୁ ନେଇ ପ୍ରଶଂସକ ବେଶ୍ ଭାବୁକ ମନ୍ତବ୍ୟମାନ ଦେବାରେ ଲାଗିଛନ୍ତି। ଏପରିସ୍ଥଳେ ସୁଶାନ୍ତ ସିଂଙ୍କ ଏକ୍ସ୍ ଗର୍ଲ ଫ୍ରେଣ୍ଡ୍ ଅଙ୍କିତା ଲୋଖଣ୍ଡେଙ୍କ ମନ୍ତବ୍ୟ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି। ସେ ଟୁଇଟ୍ କରବା ସହିତ ଏକ ୬ ସେକେଣ୍ଡର ଭିଡ଼ିଓ ଶେୟାର କରି କହିଛନ୍ତି ଯେ, ‘ପବିତ୍ର ରିସ୍ତାରୁ ଦିଲ୍ ବେଚାରା ପର୍ଯ୍ୟନ୍ତ, ଶେଷ ଥର ପାଇଁ’। ଅଙ୍କିତାଙ୍କ ଏହି ପୋଷ୍ଟକୁ ଇତିମଧ୍ୟରେ ୩ଲକ୍ଷରୁ ଅଧିକ ୟୁଜର ଦେଖିସାରିଲେଣି। ଏହି ଟୁଇଟ୍ ଦ୍ୱାରା ଅଙ୍କିତାଙ୍କ ମନରେ ଥିବା ଅକୁହା କଥା ଜଣାପଡ଼ିଯାଇଥିବା ୟୁଜରମାନେ କହିଛନ୍ତି। କିଛି ୟୁଜର ରିଲ୍ ଏବଂ ରିୟଲର ପାର୍ଥକ୍ୟ ସମାପ୍ତ ହୋଇଥିବା ଭଳି ଭାବୁକ ମନ୍ତବ୍ୟମାନ ମଧ୍ୟ ଦେଇଛନ୍ତି।