ଅହମଦାବାଦ,୧୦।୧୧ : ଗୁଜରାଟ ବିଧାନସଭା ନିର୍ବାଚନ ପାଇଁ ଭାଜପା ପ୍ରଥମ ପ୍ରାର୍ଥୀ ତାଲିକା ପ୍ରକାଶ କରିଛି। କେନ୍ଦ୍ର ମନ୍ତ୍ରୀ ଭୁପେନ୍ଦ୍ର ଯାଦବ ଏହା ଘୋଷଣା କରିଛନ୍ତି। ସେ କହିଛନ୍ତି ଯେ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଘାଟଲୋଡିଆ ଆସନରୁ ପ୍ରତିଦ୍ୱନ୍ଦ୍ୱିତା କରିବେ। ଏଥି ସହିତ କ୍ରିକେଟର ରବିନ୍ଦ୍ର ଜାଡେଜାଙ୍କ ସ୍ତ୍ରୀ ରିବାବାଙ୍କୁ ମଧ୍ୟ ଟିକେଟ ଦିଆଯାଇଛି।
ଏମାନଙ୍କ ବ୍ୟତୀତ ମାଣ୍ଡଭିରୁ ଅନିରୁଦ୍ଧ ଭାଇ, ଅଞ୍ଜରରୁ ତ୍ରିକାମ ଭାଇ, ଗାନ୍ଧୀଧାମରୁ ମାଳତି ବେନ, ମୋରବିରୁ କାନ୍ତିଲାଲ ଏବଂ କଲୱାଡରୁ ଭେଗଜି ଭାଙ୍କୁ ଟିକେଟ ଦିଆଯାଇଛି। ଜାମନଗର ଉତ୍ତରରୁ କ୍ରିକେଟର ରବିନ୍ଦ୍ର ଜାଡେଜାଙ୍କ ପତ୍ନୀ ରିବାବାଙ୍କୁ ପ୍ରାର୍ଥୀ କରାଯାଇଛି। ଏଥିସହିତ ଜାମନଗର ଗ୍ରାମୀଣରୁ ରାଘବ ଜୀ, ମହୁଆରୁ ଶିବଭାଇ ଏବଂ ଜୟନ୍ତପୁର ଜୟଶ ଭାଇଙ୍କୁ ପ୍ରାର୍ଥୀ କରାଯାଇଛି।