ରାଉରକେଲା ଅଫିସ,୧୧।୪: ଆର୍ଏସ୍ପି ପ୍ରମୁଖ ଉତ୍ପାଦନ କ୍ଷେତ୍ରରେ ବିବିଧ ରେକର୍ଡ ସହ ୨୦୨୨-୨୩ ଆର୍ଥତ୍କ ବର୍ଷ ଶେଷ ହୋଇଛି। ଗତ ଆର୍ଥତ୍କ ବର୍ଷରେ ଇସ୍ପାତ କାରଖାନାର ଇତିହାସରେ ପ୍ରଥମ ଥର ପାଇଁ ୪ ନିୟୁତ ଟନ୍ ଅଶୋଧିତ ଇସ୍ପାତ ଉତ୍ପାଦନ ରେଖା ଅତିକ୍ରମ କରିଛି। ଉକ୍ତ ଆର୍ଥତ୍କ ବର୍ଷରେ ଆର୍ଏସ୍ପି ପକ୍ଷରୁ ୪୦୩୮୯୭୭ ଟନ୍ ଅଶୋଧିତ ଇସ୍ପାତ ଉତ୍ପାଦନ କରି ଏହାର ସର୍ବକାଳୀନ ଶ୍ରେଷ୍ଠ ଉତ୍ପାଦନ ରେକର୍ଡ ହାସଲ କରିଛି। ଏହାସହ ପୂର୍ବ ଆର୍ଥତ୍କ ବର୍ଷର ସର୍ବଶ୍ରେଷ୍ଠ ୩୯୮୭୨୫୯ ଟନ୍ ଅଶୋଧିତ ଇସ୍ପାତ ଉତ୍ପାଦନ କରି ଏହି ସଫଳତା ହାସଲରେ ପ୍ରମୁଖ ଭାବରେ ଯୋଗଦାନ ଦେଇଛି। ବ୍ଲାଷ୍ଟ ଫର୍ନେସ-୫ରୁ ହଟ୍ ମେଟାଲ ଉତ୍ପାଦନ ମଧ୍ୟ ଗତ ଆର୍ଥତ୍କ ବର୍ଷରେ ସର୍ବୋଚ୍ଚ ସ୍ତର ୨୭୬୪୨୭୫ ଟନ୍କୁ ଛୁଇଁଥିଲା। ଯାହାକି ୨୦୧୬-୧୭ର ପୂର୍ବ ଶ୍ରେଷ୍ଠ ୨୭୫୭୧୯୦ଟନ୍ ରେଖାକୁ ଅତିକ୍ରମ କରିଥିଲା। ସେହିପରି ବିକ୍ରି ଯୋଗ୍ୟ ଇସ୍ପାତ ଉତ୍ପାଦନରେ ମଧ୍ୟ ବିଗତ ଆର୍ଥିକ ବର୍ଷରେ ୩୭୭୧୮୪୭ ଟନ୍ ରେକର୍ଡ ସ୍ତର ହାସଲ ହୋଇପାରିଛି। ଅତ୍ୟାଧୁନିକ ହଟ୍ ଷ୍ଟ୍ରିପ୍ ମିଲ୍-୨ ଏହାର ସର୍ବକାଳୀନ ଶ୍ରେଷ୍ଠ ୧୭୭୩୨୪୩ ଟନ୍ ଏଚ୍ଆର କଏଲ ଉତ୍ପାଦନ କରି ଫିନ୍ସିଂ ମିଲ୍ଗୁଡିକର ନେତୃତ୍ୱ ନେଇଥିଲା। ଏହି ଧାରା ବିକ୍ରିଯୋଗ୍ୟ ଇସ୍ପାତ ଚାଲାଣରେ ମଧ୍ୟ ପ୍ରତିଫଳିତ ହୋଇଥିଲା ଓ ୨୦୨୨-୨୩ଆର୍ଥିକ ବର୍ଷରେ ଆର୍ଏସ୍ପି ସର୍ବକାଳୀନ ଶ୍ରେଷ୍ଠ ୩୭୭୧୨୭୦ ଟନ୍ ବିକ୍ରୟ ଯୋଗ୍ୟ ଇସ୍ପାତ ଚାଲାଣ କରିଥିଲା। ସିଣ୍ଟରିଂ ପ୍ଲାଣ୍ଟଗୁଡିକ ମଧ୍ୟ ସମଧାରାରେ ଉତ୍କୃଷ୍ଟ ପ୍ରଦର୍ଶନ କରି ୭୦୧୨୦୦୩ ଟନ୍ ସିଣ୍ଟର ଉତ୍ପାଦନ କରିବା ସହ ଯେକୌଣସି ଆର୍ଥିକ ବର୍ଷ ସର୍ବୋତ୍ତମ ପ୍ରଦର୍ଶନ ହାସଲ କରିଥିଲା। ସେହିପରି ହାରାହାରି ୯୦.୧ ପୁସିଂ ହାସଲ ପୂର୍ବକ କୋକ୍ ଓଭେନ ବ୍ୟାଟେରୀ-୬ ଏହାର ସର୍ବଶ୍ରେଷ୍ଠ ବାର୍ଷିକ ଉତ୍ପାଦନ ହାସଲ କରିଥିଲା। ଗତ ଆର୍ଥିକବର୍ଷରେ ଆର୍ଏସ୍ପି ୧୦୦ ନିୟୁତ ଟନ୍ ଅଶୋଧିତ ଇସ୍ପାତ ଉତ୍ପାଦନର ପ୍ରମୁଖ ମାଇଲଖୁଣ୍ଟ ମଧ୍ୟ ଅତିକ୍ରମ କରିଛି।