ନୂଆଦିଲ୍ଲୀ,୧୦।୪: ଇଣ୍ଟରନ୍ୟାଶନାଲ ଟ୍ରାକ୍ଟର୍ସ ଲିମିଟେଡ(ଆଇଟିଏଲ୍)ର ବାର୍ଷିକ ଫଳାଫଳ ସମ୍ପର୍କରେ ଘୋଷଣା କରାଯାଇଛି। ବିଶେଷ କରି ୨୦୨୨-୨୩ ଆର୍ଥିକ ବର୍ଷରେ କମ୍ପାନୀ ଉଲ୍ଲେଖନୀୟ ପ୍ରଦର୍ଶନ ସହ ବାର୍ଷିକ କାରବାର ଶେଷ କରିଛି। ଏପରିକି ଭାରତର ଏକ ନମ୍ବର ଟ୍ରାକ୍ଟର ରପ୍ତାନିକାରୀ ବ୍ରାଣ୍ଡ୍ ଆଇଟିଏଲ୍ ୨୦୨୨-୨୩ ଆର୍ଥିକ ବର୍ଷରେ ମୋଟ ୧୫୧,୧୬୦ ଟ୍ରାକ୍ଟର ବିକ୍ରି ସହ ସର୍ବବୃହତ୍ ବାର୍ଷିକ ବିକ୍ରି ରେକର୍ଡ ହାସଲ କରିଛି। ଏହି ଚମତ୍କାର ସଫଳତା ଯୋଗୁ କମ୍ପାନୀ ୧୪.୧%ର ବଜାର ଅଂଶ ଓ ୧୧%ର ସାମଗ୍ରିକ ଅଭିବୃଦ୍ଧି ହାସଲ କରିପାରିଛି।
ଏ ସମ୍ପର୍କରେ ଆଇଟିଏଲ୍ର ଯୁଗ୍ମ ପରିଚାଳନା ନିର୍ଦ୍ଦେଶକ ରମଣ ମିତ୍ତଲ କହିଛନ୍ତି, ଆମେ ୨୦୨୨-୨୩ ଆର୍ଥିକ ବର୍ଷରେ ମୋଟ ୧୫୧,୧୬୦ ୟୁନିଟ ଟ୍ରାକ୍ଟର୍ର ସର୍ବୋଚ୍ଚ ବାର୍ଷିକ ବିକ୍ରି ରେକର୍ଡ ହାସଲ କରିଛୁ। ଏପରିକି ବାର୍ଷିକ ୧ ଲକ୍ଷ ଟ୍ରାକ୍ଟର ବିକ୍ରି ପରେ ମଧ୍ୟ ଏହା ଆମ ପାଇଁ ୨ୟ ସର୍ବବୃହତ୍ ସଫଳତା । ଏହି ନୂତନ ସଫଳତା ଆମର ଏକାଧିକ ପଦକ୍ଷେପ ଯଥା ଉପତ୍ାଦ ଊଦ୍ଭାବନ ଉପରେ ଆମର ଠିକ୍ ଧ୍ୟାନ, ୱେବ୍ସାଇଟ୍ରେ ଟ୍ରାକ୍ଟର ମୂଲ୍ୟ ଉନ୍ମୋଚନ କରିବା, ଆମର ଏନ୍ବିଏଫ୍ସି ମାଧ୍ୟମରେ କୃଷକଙ୍କୁ ସହଜରେ ଋଣ ଉପଲବ୍ଧ କରିବା, ଆଇଟିଆଇ ଭଳି ଟେକ୍ନିକାଲ ଇନ୍ଷ୍ଟିଚ୍ୟୁଟ୍ଗୁଡିକରୁ ୩୦୦୦ରୁ ଅଧିକ ଯୁବପିଢିଙ୍କୁ ନିଯୁକ୍ତ କରିବା, ୩ x ୨ ସର୍ଭିସ୍ ପ୍ରତିଶ୍ରୁତି, ଡିଜିଟାଲାଇଜେଶନ ଓ କୃଷକଙ୍କ ସହ ଅନ୍-ଗ୍ରାଉଣ୍ଡ କନେକ୍ଟ ଆଦି ଦ୍ୱାରା ପରିଚାଳିତ ହୋଇଛି। ସେହିଭଳି ଆଇଟିଏଲ୍ ସବୁବେଳେ ଅଭିନବ ଟ୍ରାକ୍ଟରର ଉନ୍ମୋଚନ କରିବା ଏବଂ ସ୍ବତନ୍ତ୍ର ଚାହିଦାଗୁଡିକୁ ପୂରଣ କରିବା ପାଇଁ ନିଜର ଚ୍ୟାନେଲ ପାର୍ଟନରଙ୍କ ସହ ତାଳମେଳ ବଜାୟ ରଖିବା ସୁନିଶ୍ଚିତ କରିଥାଏ। ଏହି ନୂଆ ବିକ୍ରି ସଫଳତା ଏକକ କୃଷି ସମାଧାନ ପ୍ରଦାନକାରୀ ସଂସ୍ଥା ଭାବେ ଆଇଟିଏଲ୍ରେ କୃଷକମାନଙ୍କ ବର୍ଦ୍ଧିତ ବିଶ୍ୱାସ ଏବଂ ବିଶ୍ୱବ୍ୟାପୀ କୃଷକଙ୍କ ଖୁସିକୁ ସୁନିଶ୍ଚିତ କରିବା ନେଇ କମ୍ପାନୀର ପ୍ରତିଶ୍ରୁତିକୁ ଆଲୋକିତ କରୁଛି।
