ଭୁବନେଶ୍ୱର, ୩।୭(ବ୍ୟୁରୋ): ରାଜ୍ୟରେ ଶୁକ୍ରବାର ୨୦୩ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ସୁସ୍ଥଙ୍କ ସଂଖ୍ୟା ୫,୭୦୫ରେ ପହଞ୍ଚିଛି। ଏମାନଙ୍କ ମଧ୍ୟରେ ଗଞ୍ଜାମ ଜିଲାରୁ ସର୍ବାଧିକ ୩୮ ଜଣ ରହିଛନ୍ତି। ସେହିପରି ଖୋର୍ଦ୍ଧା ୩୭, ଗଜପତି ୧୯, କଟକ-ଜଗତ୍ସିଂହପୁରରୁ ୧୮ ଜଣ ଲେଖାଏ, ସମ୍ବଲପୁର-ସୁନ୍ଦରଗଡ଼ରୁ ୧୨ ଜଣ ଲେଖାଏ, ଢେଙ୍କାନାଳ ୧୦, ଯାଜପୁର ୮, ବରଗଡ଼ ୭, ମୟୂରଭଞ୍ଜ ୬, ରାୟଗଡ଼ା ୫, ବାଲେଶ୍ୱର-କନ୍ଧମାଳରୁ ୩ଜଣ ଲେଖାଏ, ପୁରୀ ୨, ଦେବଗଡ଼-ଝାରସୁଗୁଡ଼ା-ମାଲକାନଗିରି-କେନ୍ଦୁଝର-ନବରଙ୍ଗପୁରରୁ ଜଣେ ଲେଖାଏ ସୁସ୍ଥ ହୋଇଛନ୍ତି। ଏ ନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି।