ବାରିପଦା,୩୧।୧୦(ନୀଳାଦ୍ରି ବିହାରୀ ଦଣ୍ଡପାଟ): ଜଏଣ୍ଟ ଟାସ୍କଫୋର୍ସ ମାଧ୍ୟମରେ ଶିମିଳିପାଳ ପାଦଦେଶରୁ ପୁଣି ୭୧ଟି ଦେଶୀ ବନ୍ଧୁକ ଜବତ ହୋଇଛି। ଦୁଇ ମାସ ମଧ୍ୟରେ ବନବିଭାଗ ଓ ପୋଲିସ ପକ୍ଷରୁ ଦ୍ବିତୀୟ ପର୍ଯ୍ୟାୟ(ସେପ୍ଟେମ୍ବର ଓ ଅକ୍ଟୋବର) ଶର୍ଚ୍ଚ ଅପରେଶନ ଜାରି ଥିବା ବେଳେ ବନ୍ଧୁକ ଜବତ ନେଇ ସୂଚନା ପ୍ରଦାନ କରାଯାଇଛି।
ମୟୂରଭଞ୍ଜ ଜିଲା ପୋଲିସ କାର୍ଯ୍ୟାଳୟରେ ଆହୁତ ଖବରଦାତା ସମ୍ମିଳନୀ ଏସ୍ପି ବି. ଗଙ୍ଗାଧର କହିଛନ୍ତି । ଶିମିଳିପାଳ ସଂଲଗ୍ନ ୧୩ଟି ଥାନା ଅଧୀନରେ ଥିବା ଗାଁ ଗୁଡିକରୁ ୭୧ଟି ଦେଶୀବନ୍ଧୁକ ଜବତ ହୋଇଛି। ସେଥିମଧ୍ୟରୁ ଗୋଟିଏ ଏୟାର ପିସ୍ତଲ ରହିଛି। ତତସହିତ ଏକ ଯୋଡା ହରିଣ ସିଂଘ ଜବତ ହୋଇଛି । ୧୩ଟି ଥାନାରେ ଏନେଇ ବନ୍ୟପ୍ରାଣୀ ଆଇନ ଅନୁଯାୟୀ ୩୨ଟି ମାମଲା ରୁଜୁ ହୋଇଥିବା ବେଳେ କେହି ଗିରଫ ହୋଇ ନାହାନ୍ତି। ଶିମିଳିପାଳ ଅଭୟାରଣ୍ୟରେ ଦୁଇ ବନ କର୍ମଚାରୀ ଶିକାରୀ ଗୁଳିରେ ମୃତ୍ୟ ପରେ ବନ ବିଭାଗ ପକ୍ଷରୁ ଶର୍ଚ୍ଚ ଅପରେସନ ଜାରି ଥିବା ବେଳେ ବନ ବିଭାଗ ପକ୍ଷରୁ ଏହି ସଫଳତା ମିଳିଛି।
