ସିଡନୀ,୨୯।୧୧: ସିଡନୀରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ଦ୍ୱିତୀୟ ଦିନିକିଆ ମ୍ୟାଚ୍ରେ ଘରୋଇ ଦଳ ସ୍ଥିତି ମଜଭୁତ ହୋଇଛି। ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ଭାରତ ବିପକ୍ଷରେ ୩୯୦ରନର ବିଶାଳ ଲକ୍ଷ୍ୟ ରଖିଛି। ଡେଭିଡ ଓ୍ବାର୍ନର ଏବଂ ଆରୋନ ଫିଞ୍ଚ୍ ଯୋଡି ଭାରତ ପାଇଁ ବିପଦଜ୍ଜନକ ସାବ୍ୟସ୍ତ ହୋଇଛନ୍ତି। ଦୁହେଁ ପ୍ରଥମ ଉଇକେଟ ପାଇଁ ୧୪୨ ରନ୍ ଯୋଡି ଥିଲେ। ସେହିପରି ଷ୍ଟିଭ୍ ସ୍ମିଥ୍ ସିରିଜ୍ରେ ଲଗାତାର ଦ୍ୱିତୀୟଳ ଶତକ ଲଗାଇଥିଲେ। ୩୯୦ରନର୍ ବିଶାଳ ଲକ୍ଷ୍ୟକୁ ପିଛା କରି ଭାରତ ପ୍ରାରମ୍ଭିକ ଉଇକେଟ୍ ହରାଇ ଥିଲା। କିନ୍ତୁ ଅଧିନାୟକ ବିରାଟ କୋହଲି ଶ୍ରେୟସ ଆୟାରଙ୍କ ସହ ମିଶି ପାଳି ସମ୍ଭଳି ଥିଲେ। କୋହଲି ଏହି ମ୍ୟାଚ୍ରେ ଆଉ ଏକ ମାଇଲଖୁଣ୍ଟ ଅତିକ୍ରମ କରିଛନ୍ତି। ସେ ଅନ୍ତର୍ଜାତୀୟ କ୍ରିକେଟରେ ୨୨ ହଜାର ରନ୍ ପୂରଣ କରିଛନ୍ତି। ଏହି ମ୍ୟାଚ୍ରେ ସେ ୮୯ ରନ୍ କରି ଆଉଟ୍ ହୋଇଛନ୍ତି। ସୂଚନାଯୋଗ୍ୟ, କୋହଲି ଏପର୍ଯ୍ୟନ୍ତ ଟେଷ୍ଟରେ ୭୨୪୦, ଏକଦିବସୀୟରେ ୧୧୮୮୮ ଏବଂ ଟି-୨୦ରେ ୨୭୯୪ ରନ୍ କରିଛନ୍ତି।