ନୂଆଦିଲ୍ଲୀ,୫।୨: ଆଇପିଏଲ ୨୦୨୦ରେ ତାଙ୍କ ପ୍ରଦର୍ଶନ ସହିତ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିବା ରାହୁଲ ତେୱଟିଆଙ୍କ ନିର୍ବନ୍ଧ ସମ୍ପନ୍ନ ହୋଇଛି। ସୋସିଆଲ ମିଡିଆରେ ଫଟୋ ଶେୟାର କରି ହରିୟାଣା ଅଲରାଉଣ୍ଡର ଏହି ସୂଚନା ସେୟାର କରିଛନ୍ତି। ରାହୁଲ ଆଇପିଏଲରେ କିଙ୍ଗସ ଏକାଦଶ ପଞ୍ଜାବ ବିପକ୍ଷ ମ୍ୟାଚରେ ଗୋଟିଏ ଓଭରରେ ପାଞ୍ଚଟି ଛକା ମାରି ରାଜସ୍ଥାନ ରୟାଲ୍ସ ଦଳକୁ ଜିତାଇଥିଲେ। ୟୁଏଇରେ ଖେଳାଯାଇଥିବା ଆଇପିଏଲ ୨୦୨୦ରେ ରାହୁଲ ତେୱଟିଆ ରାଜସ୍ଥାନ ରୟାଲ୍ସ ଦଳ ପାଇଁ ଖେଳିଥିଲେ ଏବଂ ତାଙ୍କର ପ୍ରଦର୍ଶନ ବହୁତ ଭଲ ଥିଲା। କିଙ୍ଗସ ଏକାଦଶ ପଞ୍ଜାବ ବିପକ୍ଷରେ ରାହୁଲଙ୍କ ଇନିଂସକୁ ସମସ୍ତେ ପ୍ରଶଂସା କରିଥିଲେ। ବ୍ୟାଟିଂ ସହିତ ରାହୁଲ ମଧ୍ୟ ଭଲ ବୋଲିଂ କରିଥିଲେ। ଭାରତୀୟ ପ୍ରିମିୟର ଲିଗର ୧୩ତମ ସିଜନରେ ୧୩୯.୯୪ ହାରରେ ଖେଳାଯାଇଥିବା ୧୪ଟି ମ୍ୟାଚରେ ରାହୁଲ ୨୫୫ ରନ ସ୍କୋର କରିଥିଲେ। ସେହିପରି ୧୦ ଉଇକେଟ ନେଇଥିଲେ।