ପୂର୍ବତନ ଭାରତୀୟ କ୍ରିକେଟର ଇରଫାନ ପଠାନ ତାମିଲ ଫିଲ୍ମ କୋବ୍ରା ସହିତ ଅଭିନୟ ଜଗତରେ ପାଦ ଥାପିବାକୁ ଯାଉଛନ୍ତି। ଏହି ଫିଲ୍ମର ଟିଜର ରିଲିଜ ହୋଇଛି। ତାମିଲ ସିନେମା ସୁପରଷ୍ଟାର ଚିଆନ ବିକ୍ରମଙ୍କ ଏହି ଫିଲ୍ମର ଟିଜର ବହୁତ ଶକ୍ତିଶାଳୀ ରହିଛି। ଚିଆନ ଏହି ଫିଲ୍ମରେ ସାତରୁ ଅଧିକ ଚରିତ୍ରରେ ଅଭିନୟ କରୁଛନ୍ତି। ଏହି ଫିଲ୍ମର ସଂଗୀତକୁ ଏ.ଆର୍ ରେହମାନ ରଚନା କରିଛନ୍ତି। ଫିଲ୍ମଟି ତାମିଲ ଏବଂ ତେଲୁଗୁ ଭାଷାରେ ଅଗଷ୍ଟ ୩୧ରେ ମୁକ୍ତିଲାଭ କରିବ। ଏହି ଫିଲ୍ମରେ ଇରଫାନ ଜଣେ ପୋଲିସ ଅଧିକାରୀ ଭୂମିକାରେ ଅଭିନୟ କରୁଛନ୍ତି।
ଅଭିନୟ ଜରିଆରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ଚିଆନ ବିକ୍ରମ ପୂର୍ବରୁ ସେଥୁ, ଅପରିଚିତ୍ ଏବଂ ପିଥାମଗନ ଭଳି ଫିଲ୍ମ କରିଛନ୍ତି।
ଏହି ଫିଲ୍ମ ପାଇଁ ଇରଫାନ ଦୀର୍ଘ ଦିନ ହେବ ପ୍ରସ୍ତୁତି କରୁଛନ୍ତି। ଫିଲ୍ମରେ ସେ ଫ୍ରାନ୍ସର ଇଣ୍ଟରପୋଲ ଅଧିକାରୀ ଯଶଲାନ ୟିମଲାଜଙ୍କ ଚରିତ୍ରରେ ଅଭିନୟ କରୁଛନ୍ତି। ୨୦୨୦ରେ ଇରଫାନଙ୍କ ଜନ୍ମଦିନରେ ଅଜୟ ଗାନ୍ନାମୁଥୁ ତାଙ୍କର ପ୍ରଥମ ଲୁକ ଶେୟାର କରିଥିଲେ। ତାଙ୍କ ଚରିତ୍ର ବିଷୟରେ କହିଥିଲେ। ଏହି ଫଟୋରେ ଇରଫାନଙ୍କ ହାତରେ ବନ୍ଧୁକ ଥିବା ଦେଖିବାକୁ ମିଳିଥିଲା। କରୋନା ମହାମାରୀ ହେତୁ ଏହି ଫିଲ୍ମର ଶୁଟିଂରେ ବାବଧା ସୃଷ୍ଟି ହୋଇଥିଲା। ଏହା ପୂର୍ବରୁ ଏହି ଫିଲ୍ମ ମେ ୨୦୨୦ରେ ରିଲିଜ ହେବାର ଥିଲା, କିନ୍ତୁ ବର୍ତ୍ତମାନ ଏହା ୩୧ ଅଗଷ୍ଟରେ ମୁକ୍ତିଲାଭ କରୁଛି।
ଏହି ଫିଲ୍ମର ଶୁଟିଂ ସମୟରେ ଇରଫାନ ପଠାନ ମଧ୍ୟ ତାଙ୍କର ଅନେକ ଫଟୋ ଶେୟାର କରିଥିଲେ। କ୍ରିକେଟରୁ ଅବସର ନେବା ପରେ ଇରଫାନ ପଠାନ ହିନ୍ଦୀ କମେଣ୍ଟ୍ରି କରୁଛନ୍ତି।