କେନ୍ଦୁଝର,୨୫ା୬(ସ୍ବ.ପ୍ର.): କେନ୍ଦୁଝର ଜିଲା ତେଲକୋଇ ରେଞ୍ଜ ଅନ୍ତର୍ଗତ କାଳିଆ ହତା ସେକ୍ସନ ଅଧିନସ୍ଥ କଳାପାଟ ଜଙ୍ଗଲରେ ଏକ ୩୫ ବର୍ଷ ବୟସ୍କା ମାଈହାତୀର ମୃତ୍ୟୁ ଘଟିଛି। ଶୁକ୍ରବାର ୫ ଟିକିଆ ହାତୀ ଦଳ ଉକ୍ତ ଅଞ୍ଚଳରେ ବୁଲୁଥିଲେ। ତେବେ ଆଜି ଗ୍ରାମବାସୀ ସୂଚନା ଦେବା ପରେ ବନ ବିଭାଗ ଅଧିକାରୀ ଘଟଣାସ୍ଥଳକୁ ଯାଇଥିବା ଜଣାପଡ଼ିଛି। ମୃତ୍ୟୁର କାରଣ ଜଣାପଡ଼ିନାହିଁ। ଘଟଣାସ୍ଥଳରେ ପହଞ୍ଚିବା ପରେ ଜଣାପଡ଼ିବ ବୋଲି କେନ୍ଦୁଝର ଡିଏଫ୍ଓ କେନ୍ଦୁଝର ସୂଚନା ଦେଇଛନ୍ତି। କିଛିଦିନ ତଳେ ଆନନ୍ଦପୁର ଅଞ୍ଚଳରେ ଏକ ହାତୀର ମୃତ୍ୟୁ ହୋଇଥିଲା। ସେହିପରି ଟ୍ରେନ୍ ଦୁର୍ଘଟଣାରେ ଚମ୍ପୁଆ ରେଞ୍ଜରେ ୩ଟି ହାତୀ ମୃତ୍ୟୁବରଣ କରିଥିଲେ। ବାରମ୍ବାର ହାତୀ ମୃତ୍ୟୁ ଜିଲାରେ ହାତୀମାନଙ୍କ ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
