![](https://www.dharitri.com/wp-content/uploads/2024/05/67-3.jpg)
ବରଗଡ଼,୩୧ା୫(ପ୍ରେମାନନ୍ଦ ଖମାରୀ): ବରଗଡ଼ ଜିଲା ଭଟ୍ଲି ରଥପଡ଼ାରେ ଶୁକ୍ରବାର ସକାଳୁ ଏକ ଅଭାବନୀୟ ଘଟଣା ଘଟିଛି। ୨ ନାବାଳକଙ୍କ ମଧ୍ୟରେ କଳିଗୋଳ ହେବାରୁ ଜଣେ ନାବାଳକଙ୍କ ପିଠିରେ ଅନ୍ୟଜଣେ ନାବାଳକ ଏକ ଲୁହାରଡ୍ ଭୁସି ଦେଇଛନ୍ତି। ଫଳରେ ଲୁହାରଡ୍ଟି ନାବାଳକଙ୍କ ପିଠିପଟୁ ପଶି ଫୁସ୍ଫୁସ୍ ନିକଟକୁ ଚାଲି ଯାଇ ଶରୀରରେ ଲାଗି ରହିଥିବା ସୂଚନା ମିଳିଛି। ଆହତ ନାବାଳକ ହେଲେ, ଜୀବନ ପାତିକାର। ଗୁରୁତର ଅବସ୍ଥାରେ ସଂକଳ୍ପ ପରିବାରର ସ୍ବେଚ୍ଛାସେବୀମାନେ ନାବାଳକଙ୍କୁ ଜିଲା ମୁଖ୍ୟ ଡାକ୍ତରଖାନାକୁ ଅଣିଥିଲେ। ମାତ୍ର ଶରୀରରୁ ଲୁହାରଡ୍ କାଢ଼ିବା ସମ୍ଭବ ନ ହେବାରୁ ତାଙ୍କୁ ଭୀମସାର୍, ବୁର୍ଲାକୁ ସ୍ଥାନାନ୍ତର କରାଯାଇଛି। ସଂକଳ୍ପ ପରିବାରର ସ୍ବେଚ୍ଛାସେବୀ ଏବଂ ଆହତଙ୍କ ପରିବାର ଲୋକେ ତାଙ୍କୁ ବୁର୍ଲା ଡାକ୍ତରଖାନା ନେଇଥିବା ଜଣାପଡ଼ିଛି।