ନୂଆଦିଲ୍ଲୀ,୨୧।୧୧: ବର୍ଡର-ଗାଭାସ୍କର ଟ୍ରଫି ୨୦୨୪ ଆରମ୍ଭ ପୂର୍ବରୁ ଭାରତୀୟ ଦଳକୁ ଝଟ୍କା ପରେ ଝଟ୍କା ଲାଗୁଛି। ଗୋଟିଏ ପଟେ ଅଧିନାୟକ ରୋହିତ ଶର୍ମା ତାଙ୍କ ପରିବାର ସହିତ ସମୟ ବିତାଇବା ପାଇଁ ପ୍ରଥମ ଟେଷ୍ଟରୁ ବାଦ୍ ପଡିଛନ୍ତି। ତାଙ୍କ ପତ୍ନୀ ରିତିକା ସଜଦେହ ୧୫ ନଭେମ୍ବରରେ ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି। ଅନ୍ୟପକ୍ଷରେ ଟିମ ଇଣ୍ଡିଆର ବୋଲିଂ କୋଚ ମର୍ନେ ମର୍କେଲ କହିଛନ୍ତି, ଶୁଭମନ ଗିଲଙ୍କ ଆଘାତ ବିଷୟରେ ବର୍ତ୍ତମାନ କିଛି ସ୍ପଷ୍ଟ କୁହାଯାଇପାରିବ ନାହିଁ। ଏହି ସମୟ ମଧ୍ୟରେ ଖଲିଲ ଅହମ୍ମଦ ମଧ୍ୟ ଭାରତ ଫେରିଛନ୍ତି, ଯାହାକୁ ଟିମ ଇଣ୍ଡିଆ ଅଷ୍ଟ୍ରେଲିଆକୁ ରିଜର୍ଭ ଖେଳାଳି ଭାବେ ନେଇଥିଲା।
ଭାରତୀୟ ଦଳ ମୁକେଶ କୁମାର, ନବଦୀପ ସଇନି ଏବଂ ଖଲିଲ ଅହମ୍ମଦଙ୍କୁ ବର୍ଡର-ଗାଭାସ୍କର ଟ୍ରଫି ପାଇଁ ରିଜର୍ଭ ଖେଳାଳି ଭାବରେ ଚୟନ କରିଛି। କିନ୍ତୁ ବର୍ତ୍ତମାନ ଖଲିଲ ମାଂସପେଶୀ ଯନ୍ତ୍ରଣା ହେଉଥିବା ଜଣାପଡ଼ିଛି। ୍ନେଟ୍ସରେ ବୋଲିଂ କରିବା ସମୟରେ ମଧ୍ୟ ସେ ଅସୁବିଧା ଅନୁଭବ କରିଥିଲେ। ୟଶ ଦୟାଲଙ୍କୁ ତାଙ୍କ ସ୍ଥାନରେ ରିଜର୍ଭ ଖେଳାଳିଙ୍କ ମଧ୍ୟରେ ସାମିଲ କରାଯାଇଛି। ୟଶ ପୂର୍ବରୁ ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ ଦଳରେ ଅନ୍ତର୍ଭୁକ୍ତ ହୋଇଥିଲେ ଏବଂ ଏହା ପରେ ଦକ୍ଷିଣ ଆଫ୍ରିକା ବିପକ୍ଷ ଟି -୨୦ ସିରିଜ ପାଇଁ ମନୋନୀତ ହୋଇଥିଲେ।