ମୁମ୍ବାଇ: ବଲିଉଡ୍ ଷ୍ଟାର ସଲମାନ୍ ଖାନ୍ ଓ ଆୟୁଷ ଶର୍ମାଙ୍କ ଅଭିନୀତ ‘ଅନ୍ତିମ୍’(ଦ ଫାଇନାଲ୍ ଟ୍ରୁଥ୍)ର ଟ୍ରେଲର ରିଲିଜ ହୋଇଛି।
ମହେଶ ମଞ୍ଜରେକାଙ୍କ ନିର୍ଦ୍ଦେଶିତ ଏହି ଫିଲ୍ମ ନଭେମ୍ବର ୨୬(ମଙ୍ଗଳବାର) ପ୍ରେକ୍ଷାଳୟରେ ମୁକ୍ତିଲାଭ କରିବ।
ସଲମାନ୍ ଖାନ୍ ଏହାର ପୋଷ୍ଟର ସୋସିଆଲ ମିଡିଆରେ ଶେୟାର କରିଛନ୍ତି। ଫିଲ୍ମରେ ସେ ରାଜବୀର ନାମରେ ଜଣେ ଶିଖ୍ ଚରିତ୍ରରେ ଅଭିନୟ କରିଛନ୍ତି। ଜଣେ ଗ୍ୟାଙ୍ଗଷ୍ଟାର ଭାବରେ ଆୟୁଷ ‘ରାହୁଲିଆ’ ନାମରେ ନଜର ଆସିବେ। ଉଭୟଙ୍କ ଚିନ୍ତାଧାରା ଅଲଗା ହୋଇଥିବାରୁ ଦୁହିଁଙ୍କ ମଧ୍ୟରେ ବିବାଦ ସୃଷ୍ଟି ହେଉଥିବା ଫିଲ୍ମରେ ଦେଖିବାକୁ ମିଳିବ। ସଲମାନ୍ ଟ୍ରେଲରକୁ ଟ୍ବିଟର୍ରେ ଶେୟାର କରିଛନ୍ତି। ‘ଜିସ୍ ଦିନ୍ ସରଦାର୍ କି ହଟେଗି, ସବ୍କି ଫଟେଗି’ ବୋଲି ସେ ପୋଷ୍ଟରେ ଲେଖିଛନ୍ତି। ସଲମାନ ଓ ଆୟୁଷଙ୍କ ବ୍ୟତୀତ ପ୍ରଜ୍ଞା ଜସୱାଲ୍ ଓ ମହିମା ମାକୱାନା ପ୍ରମୁଖ ଚରିତ୍ରରେ ନଜର ଆସିବେ। ଏହା ସଲମାନ ଖାନ୍ ଫିଲ୍ମ ଦ୍ୱାରା ନିର୍ମିତ। ଜି-୫ ନିର୍ଦ୍ଦେଶିତ ମରାଠୀ କ୍ରାଇମ୍ ଫିଲ୍ମ ‘ମୁଲ୍ଶି ପ୍ୟାଟେର୍ନ୍ନ’ରୁ ଏହା ଡବିଂ କରାଯାଇଛି।