ଭେଟେରାନ ଅଭିନେତା ଅନୁପମ ଖେରଙ୍କୁ କିଏ ବା ନ ଚିହ୍ନେ। ତାଙ୍କର ଫିଲ୍ମ ଇଣ୍ଡଷ୍ଟ୍ରିରେ ଦୁଇ ଦଶନ୍ଧିରୁ ଅଧିକ ସମୟର ଅନୁଭୁତି ରହିଛି। ତାଙ୍କ ବୟସର ପ୍ରତ୍ୟେକ ପର୍ଯ୍ୟାୟରେ ସକରାତ୍ମକ ଠାରୁ ନକାରାତ୍ମକ ପର୍ଯ୍ୟନ୍ତ ଭୂମିକାକୁ ଅତି ସୁନ୍ଦର ଭାବରେ ନିଖୁଣ ଅଭିନୟ କରି ସେ ଦର୍ଶକଙ୍କ ଆଗରେ ବେଶ ଲୋକପ୍ରିୟ ହୋଇପାରିଛନ୍ତି। ସେ ତାଙ୍କ ପ୍ରତ୍ୟେକ ଚରିତ୍ର ପାଇଁ ପ୍ରଶଂସା ଲାଭ କରିଛନ୍ତି। ‘କାଶ୍ମୀର ଫାଇଲ୍ସ’ ତାଙ୍କ ପାଇଁ ଏକ ବଡ଼ ସଫଳତା। ଅନୁପମ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଭିଡିଓ ଶେୟାର କରିଛନ୍ତି। ଯାହା ସହିତ ସେ ତାଙ୍କର ଆଗାମୀ ଫିଲ୍ମ ବିଷୟରେ ମଧ୍ୟ ଘୋଷଣା କରିଛନ୍ତି। ସେୟାର ହୋଇଥିବା ଭିଡିଓଟି କଳା ଏବଂ ଧଳା ଅଟେ। ଯେଉଁଥିରେ ଅନୁପମ ଖେରଙ୍କୁ ରବୀନ୍ଦ୍ରନାଥ ଟାଗୋର ଭାବରେ ଦେଖିବାକୁ ମିଳିବ। ଧଳା ରଙ୍ଗର କେଶ ଏବଂ ବଡ ଦାଢିରେ ଅନୁପମ ଖେରଙ୍କୁ ଚିହ୍ନିବା ଅତ୍ୟନ୍ତ କଷ୍ଟକର ହୋଇପଡୁଛି ।
ଏହି ଭିଡିଓ ଶେୟାର କରି ଅନୁପମ କ୍ୟାପଶନରେ ଲେଖିଛନ୍ତି, ସେ ତାଙ୍କର ୫୩୮ ତମ ପ୍ରୋଜେକ୍ଟରେ ରବୀନ୍ଦ୍ରନାଥ ଟାଗୋର ଦେଖିବାକୁ ଯାଉଛନ୍ତି। ପରଦାରେ ରବୀନ୍ଦ୍ରନାଥ ଟାଗୋର ଭୂମିକାରେ ସୁଯୋଗ ମିଳିଛି। ଏହା ପରେ ସେ ଖୁବ ଶୀଘ୍ର ଫିଲ୍ମ ବିଷୟରେ ବାକି ତଥ୍ୟ ସେୟାର କରିବାକୁ କହିଛନ୍ତି। ଏହି ଭିଡିଓ ସାମ୍ନାକୁ ଆସିବା ପରେ ପ୍ରଶଂସକମାନେ ଅନୁପମ ଖେରଙ୍କ କାର୍ଯ୍ୟକୁ ପ୍ରଶଂସା କରିବାରେ ଲାଗିଛି ।