ନୂଆଦିଲ୍ଲୀ,୧୬।୯: କେନ୍ଦ୍ର ମନ୍ତ୍ରୀ ତଥା ଭାରତୀୟ ଜନତା ପାର୍ଟି (ଭାଜପା) ନେତା ଅନୁରାଗ ଠାକୁର ଶୁକ୍ରବାର ଅଭିଯୋଗ କରିଛନ୍ତି ଯେ କଂଗ୍ରେସ ନେତା ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀ ଦେଶର କିଛି ଲୋକଙ୍କୁ ଦେଶର ସମ୍ବିଧାନ ନଷ୍ଟ କରିବାକୁ ଅନୁମତି ଦେଇଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଦେଶରେ କିଛି ଲୋକ ଅଛନ୍ତି ଯେଉଁମାନେ ଦେଶର ଅଗ୍ରଗତି ହଜମ କରିବାକୁ ସକ୍ଷମ ନୁହଁନ୍ତି। ଏହା ବ୍ୟତୀତ ସେ ରାହୁଲ ଗାନ୍ଧୀଙ୍କୁ ଟାର୍ଗେଟ କରି କହିଥିଲେ ଯେ ପ୍ରେମ ଦୋକାନ ବଦଳରେ ସେ ଘୃଣାର ଏକ ମେଗା ମଲ ଖୋଲିଛନ୍ତି। କଂଗ୍ରେସ ମଧ୍ୟ ଏହାର ଜବାବଜ ଦେଇଛି।
ନ୍ୟୁଜ ଏଜେନ୍ସି ଏଏନଆଇ ଅନୁଯାୟୀ କଂଗ୍ରେସ ଏମପି ମଣିକମ ଟାଗୋର କହିଛନ୍ତି, ଭାଜପା ସହକର୍ମୀଙ୍କ ସହ ଏହା ହେଉଛି ସମସ୍ୟା, ଯେଉଁମାନେ ପ୍ରେମର ଅର୍ଥ ସବୁବେଳେ ବୁଝନ୍ତି ନାହିଁ। ପ୍ରେମ ଅର୍ଥ ସମ୍ମାନ ଏବଂ ପ୍ରେମ। କଂଗ୍ରେସ ଏବଂ ଇଣ୍ଡିଆ ମିଳିତ ମଞ୍ଚ ସମସ୍ତ ଧର୍ମ, ସମସ୍ତ ଜାତିର ଲୋକଙ୍କୁ ସମର୍ଥନ କରିବ। ଆମେ ସମସ୍ତ ସମ୍ପ୍ରଦାୟକୁ, ସମାଜର ସମସ୍ତ ବିଭାଗକୁ ସମ୍ମାନ ଦେଉଛୁ। ଅନୁରାଗ ଆମକୁ ଜାତୀୟତା କିମ୍ବା ପ୍ରେମ ବିଷୟରେ ଉପଦେଶ ଦେବା ଉଚିତ ନୁହେଁ।
ଭାଜପା ନେତା କହିଛନ୍ତି, କିଛି ଲୋକ ଦେଶର ବିକାଶରେ ଖୁସି ନୁହଁନ୍ତି। ସେମାନେ ସମ୍ବିଧାନକୁ ନଷ୍ଟ କରିବାକୁ ଚାହୁଁଛନ୍ତି। ରାହୁଲ ଗାନ୍ଧୀ ଏବଂ ସୋନିଆ ଗାନ୍ଧୀ ଏଭଳି ଲୋକଙ୍କୁ ଅନୁମତି ଦେଇଛନ୍ତି। ସମ୍ବିଧାନର କୌଣସି ସ୍ଥାନରେ କୁହାଯାଇ ନାହିଁ ଯେ କୌଣସି ଧର୍ମକୁ ଅପମାନ କରିବାର ଅଧିକାର କାହାର ଅଛି। ଏହାପୂର୍ବରୁ ଅନୁରାଗ ଠାକୁର ଗୁରୁବାର ମଧ୍ୟ କହିଥିଲେ ଯେ କଂଗ୍ରେସ ଦଳ ସନାତନ ଧର୍ମ ପାଇଁ ଲଜ୍ଜିତ ଏବଂ ଏହାକୁ ଧ୍ୱଂସ କରିବାକୁ ଚାହୁଁଛି।