ନୂଆଦିଲ୍ଲୀ,୨୯।୭: ବିରୋଧୀ ମେଣ୍ଟ ‘ଇଣ୍ଡିଆ’ର ଏମପିଙ୍କ ଦଳ ଶନିବାର ମଣିପୁର ଗସ୍ତ କରିଛନ୍ତି। ଆଉ ଏବେ ଏହାକୁ ନେଇ ବିରୋଧୀଙ୍କୁ ଟାର୍ଗେଟ କରିଛନ୍ତି କେନ୍ଦ୍ର ମନ୍ତ୍ରୀ ଅନୁରାଗ ଠାକୁର। କୋଲକାତାରେ ଠାକୁର କହିଛନ୍ତି, ବିରୋଧୀ ମେଣ୍ଟର ଏମପିମାନେ ପଶ୍ଚିମବଙ୍ଗ ଓ ରାଜସ୍ଥାନ ଯିବା ଉଚିତ। ଅଧିର ରଞ୍ଜନ ଏମପିଙ୍କ ସହ ପଶ୍ଚିମବଙ୍ଗର ସ୍ଥିତି ବି ଦେଖିବା ଦରକାର।
ଅନୁରାଗ ଠାକୁର କହିଛନ୍ତି ଯେ ଯେଉଁମାନେ ପଶ୍ଚିମବଙ୍ଗରେ ନିହତ ହୋଇଥିଲେ, ବିରୋଧୀ ଦଳର ଏମପିମାନେ ମଧ୍ୟ ସେମାନଙ୍କ ଘର ପରିଦର୍ଶନ କରିବା ଉଚିତ। ବିରୋଧୀ ଏମପିମାନେ ମଧ୍ୟ ରାଜସ୍ଥାନକୁ ଯାଇ ସେଠାରେ ପରିସ୍ଥିତି ଜାଣିବା ଉଚିତ। ମମତା ସରକାରଙ୍କୁ ଟାର୍ଗେଟ କରି କେନ୍ଦ୍ର ମନ୍ତ୍ରୀ କହିଛନ୍ତି ଯେ ମମତାଙ୍କ ନାକ ତଳେ ପଶ୍ଚିମବଙ୍ଗରେ ପଞ୍ଚାୟତ ନିର୍ବାଚନରେ ହିଂସା ଘଟିଛି। ସେମାନେ ଗୁଣ୍ଡା ଏବଂ ଅପରାଧୀଙ୍କୁ ସୁରକ୍ଷା ଦିଅନ୍ତି। ମମତାଙ୍କର ସମୟ ଧୀରେ ଧୀରେ ଶେଷ ହେଉଛି ବୋଲି କହିଛନ୍ତି କେନ୍ଦ୍ର ମନ୍ତ୍ରୀ ଅନୁରାଗ ଠାକୁର।
