ନୂଆଦିଲ୍ଲୀ,୨।୪: ପଶ୍ଚିମବଙ୍ଗରେ ଜଣେ ଭାରତୀୟ ଜନତା ପାର୍ଟି(ଭାଜପା) କର୍ମୀଙ୍କ ମୃତ୍ୟୁ ପରେ ଲଗାତାର ଭାଜପା ତ୍ରୁଣମୂଳ କଂଗ୍ରେସ(ଟିଏମସି)କୁ ଟାର୍ଗେଟ କରୁଛି। କେନ୍ଦ୍ରମନ୍ତ୍ରୀ ଅନୁରାଗ ଠାକୁର ରବିବାର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ହିଂସାକୁ ଉସକାଉଥିବା ଅଭିଯୋଗ ଆଣିଛନ୍ତି। ଅନୁରାଗ ଠାକୁର କହିଛନ୍ତି, ପଶ୍ଚିମବଙ୍ଗରେ ରାମ ଭକ୍ତଙ୍କ ଉପରେ ଲାଠିମାଡ କରାଯାଇଛି। ପଥରମାଡ ବି କରାଯାଇଛି। ବୋମା ମାଡ କରାଯାଇଛି , ଲୁଟପାଟ କରାଯାଉଛି, ହିଂସା ହେଉଛି, ରାମ ନବମୀରେ ଶୋଭା ଯାତ୍ରା ବନ୍ଦ କରି ଦିଆଯାଇଛି।
ଅନୁରାଗ ଠାକୁର କହିଛନ୍ତି, ରାଜ୍ୟରେ ବିଗିଡିଥିବା ଆଇନ ବ୍ୟବସ୍ଥାର ରୋଲ ମଡେଲ ହେଉଛନ୍ତି ମମତା ବାନାର୍ଜୀ। ମମତା ଦିଦି ସବୁ ହିଂସା ଉପରେ ନିଜ ଆଖି ବନ୍ଦ କରି ରଖିଛନ୍ତି ଆଉ ନିଜକୁ ଏକ ବର୍ଗ ମଧ୍ୟରେ ସିମିତ କରି ରଖିଛନ୍ତି। ଏହା ତାଙ୍କ ଭାଷାରେ ବି ପ୍ରତିଫଳିତ ହୋଇଥାଏ। କେମିତି ସେ ଏକ ବର୍ଗ ସହ ଠିଆ ହୋଇଥାଆନ୍ତି। ଆଉ ହିନ୍ଦୁ ସମ୍ପ୍ରଦାୟକୁ ଲୋକଙ୍କ ବିରୋଧରେ ହିଂସା ପାଇଁ ଉସକାଇ ଥାଆନ୍ତି।
ଏହା ପୂର୍ବରୁ ବି କେନ୍ଦ୍ରମନ୍ତ୍ରୀ ଅନୁରାଗ ଠାକୁର ରାଜ୍ୟରେ ସାମ୍ପ୍ରଦାୟିକ ହିଂସାକୁ ନେଇ ପଶ୍ଚିମବଙ୍ଗ ସରକାରଙ୍କୁ ଟାର୍ଗେଟ କରିଥିଲେ।
