ଅପରେଶନ ଅଜୟ: ଆମ ନାଗରିକଙ୍କ ପାଇଁ ଆମେ ସାହାଯ୍ୟ ମାଗୁନାହୁଁ ବରଂ ଦେଉଛୁ, କହିଲେ ଅନୁରାଗ ଠାକୁର

ନୂଆଦିଲ୍ଲୀ,୧୩।୧୦: ଇସ୍ରାଏଲ ଏବଂ ହମାସ ମଧ୍ୟରେ ଯୁଦ୍ଧ ଜାରି ରହିଛି। ଯେଉଁଥିରେ ଉଭୟ ପାର୍ଶ୍ୱରୁ ହଜାର ହଜାର ଲୋକ ପ୍ରାଣ ହରାଇଛନ୍ତି। ଇସ୍ରାଏଲ ହମାସ ଦ୍ୱାରା ଆରମ୍ଭ ହୋଇଥିବା ଏହି ଯୁଦ୍ଧକୁ ସବୁଦିନ ପାଇଁ ଶେଷ କରିବାକୁ ଚାହୁଁଛି। ଏଥିପାଇଁ ଇସ୍ରାଏଲ ଗାଜା ଷ୍ଟ୍ରିପ ଆଧାରିତ ଆତଙ୍କବାଦୀ ଗୋଷ୍ଠୀ ହମାସ ଉପରେ ରକେଟ ଗୁଳି ଚଳାଉଛି। ହମାସ ଏବଂ ଇସ୍ରାଏଲ ମଧ୍ୟରେ ଚାଲିଥିବା ଯୁଦ୍ଧ ହେତୁ ଅନେକ ଭାରତୀୟ ସେଠାରେ ଫସି ରହିଛନ୍ତି। ସେମାନଙ୍କୁ ବଞ୍ଚାଇବା ପାଇଁ କେନ୍ଦ୍ର ସରକାର ‘ଅପରେସନ ଅଜୟ’ ଆରମ୍ଭ କରିଛନ୍ତି। ଏହି ଅପରେସନ ସମ୍ପର୍କରେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁରଙ୍କ ବୟାନ ସାମ୍ନାକୁ ଆସିଛି। ସେ କହିଛନ୍ତି, ଶେଷରେ ଶୁକ୍ରବାର କେନ୍ଦ୍ର ସରକାର ଦେଶବାସୀଙ୍କୁ ସେଠାରୁ ସ୍ଥାନାନ୍ତର କରିଛନ୍ତି। ଗତ ନଅ ବର୍ଷ ଧରି, ସମାନ ବିବାଦ ଅଞ୍ଚଳରେ, ନାଗରିକଙ୍କ ପାଇଁ ଏହିପରି ମିଶନ ପାଇଁ ସରକାର ଅନ୍ୟ ଦେଶ ଉପରେ ନିର୍ଭର କରନ୍ତି ନାହିଁ, କିନ୍ତୁ ସାହାଯ୍ୟ ପାଇଁ ନିଜେ ସେଠାରେ ପହଞ୍ଚିଛନ୍ତି। ସେ ଏହା ମଧ୍ୟ କହିଛନ୍ତି ଯେ ଶୁକ୍ରବାର ସକାଳେ ୨୧୨ ଭାରତୀୟ ନାଗରିକଙ୍କୁ ଇସ୍ରାଏଲରୁ ଫେରାଇ ନିଆଯାଇଛି।