ମୁମ୍ବାଇ: ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା ଆଜିକାଲି ସୋସିଆଲ ମିଡିଆରେ ଖୁବ୍ ଆକ୍ଟିଭ୍ ରହୁଛନ୍ତି। ସେ ନୂଆ ନୂଆ ଟ୍ରେଣ୍ଡ୍କୁ ଫଲୋ ବି କରନ୍ତି। ଯଦି କିଛି ହାସ୍ୟ ରସାତ୍ମକ ପୋଷ୍ଟ ଦେଖନ୍ତି, ତେବେ ଶେୟାର କରିବାକୁ ଆଦୌ ଭୁଲନ୍ତି ନାହିଁ। ଏବେ ଅନୁଷ୍କାଙ୍କ ଏକ ପୋଷ୍ଟ ଭାଇରାଲ ହେଉଛି। ଯେଉଁ ପୋଷ୍ଟ କି ‘ ଜାନେ ମେରୀ ଜାନେମନ, ବଚପନ କା ପ୍ୟାର’। ଏହି ପୋଷ୍ଟ ଜରିଆରେ ସେ କହିଛନ୍ତି, ପିଲାଦିର ପ୍ରେମ ସେ ମୁଣ୍ଡରୁ ବାହାର କରିପାରୁନାହାନ୍ତି।
ରାତିଦିନ ଅନୁଷ୍କା ସହଦେବ ଦିର୍ଦୋ ନାମକଙ୍କ ଜଣେ କୁନି ବାଳକଙ୍କ ଗୀତକୁ ଗୁଣୁଗୁଣଉଛନ୍ତି। ସହଦେବଙ୍କ ଏହି ଭିଡିଓ ସୋସିଆଲ ମିଡିଆରେ ବେଶ୍ କିଛିଦିନ ଧରି ଭାଇରାଲ ହେଉଛି। ସହଦେବ ‘ ମେରେ ବଚପନ କା ପ୍ୟାର୍’ ଗୀତକୁ ଗାଇଥିଲେ। ସୋସିଆଲ ମିଡିଆରେ ଏହି ଗୀତ ଯିଏ ଶୁଣିଲା ସେ ଗାଇଲା। ଅନୁଷ୍କା ମଧ୍ୟ ଏହି ଗୀତକୁ ଖୁବ୍ ପସନ୍ଦ କରିଛନ୍ତି। ଖାଲି ପସନ୍ଦ ନୁହେଁ, ଗୀତଟିକୁ ସେ ତାଙ୍କ ସୋସିଆଲ ମିଡିଆରେ ଶେୟାର ବି କରିଛନ୍ତି। ଅନୁଷ୍କା ଏହି ଗୀତ ଶୁଣି ରାତିରେ ଶୋଉନାହାନ୍ତି। ଯେତେବେଳେ ବି ଟାଇମ୍ ପାଉଛନ୍ତି ଗୀତଟିକୁ ଗୁଣୁଗୁଣାଉଛନ୍ତି।
ଅନୁଷ୍କା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିବା ସହ ହସୁଥିବା ଇମୋଜି ଦେଇଛନ୍ତି। ତାଙ୍କର ଏହି ପୋଷ୍ଟ ଖୁବ୍ ଭାଇରାଲ ହେଉଛି।
କହିରଖୁଛୁ, ସହଦେବଙ୍କ ସ୍କୁଲ ଶିକ୍ଷକ ୨୦୧୯ରେ ଏହି ଭିଡିଓଟିକୁ ରେକର୍ଡିଂ କରିଥିଲେ। ଏଥିରେ ସହଦେବ ‘ବଚପନ କା ପ୍ୟାର’ ଗୀତ ଗାଉଥିବା ନଜର ଆସିଥିଲେ। ସହଦେବଙ୍କ ସ୍କୁଲ ସ୍ବରରେ ଏହି ଗୀତ ଗାଇଥିଲେ। ଏହା ଶୁଣି ପାଖରେ ଥିବା ଅନ୍ୟମାନେ ପ୍ରବଳ ହସିଥିଲେ। ଏହା ପରେ ଭିଡିଓଟି ଭାଇରାଲ ହୋଇଥିଲା। ରାପର ବାଦ୍ଶାହ ଏହି ଗୀତର ରିମିକ୍ସ ଶେୟାର କରିଥିଲେ।
