ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବିଆର)ର ବିଜୟକୁ ନେଇ ବିରାଟ କୋହଲିଙ୍କ ସ୍ତ୍ରୀ ତଥା ଅଭିନେତ୍ରୀ ଅନୁଷ୍କା ଶର୍ମା ବହୁତ ଖୁସି ଅଛନ୍ତି। ଏହି ସଫଳତା ଯୋଗୁ ଖୁସିରେ ଅନୁଷ୍ମାଙ୍କ ପାଦ ଆଉ ତଳେ ଲାଗୁ ନାହିଁ। ସେ ନିଜର ଏହି ଖୁସିକୁ ସୋସିଆଲ ମିଡିଆରେ ପ୍ରଶଂସକଙ୍କ ସହ ଶେୟାର କରିଛନ୍ତି।
ଦୁବାଇରେ ଖେଳାଯାଇଥିବା ଏହି ମ୍ୟାଚ୍ ଟାଇ ହୋଇଯାଇଥିଲା। ସୁପର ଓଭରରେ ବିରାଟଙ୍କ ଦଳ ଜିତିଯାଇଥିଲା। ଅନୁଷ୍କା ସୋସିଆଲ ମିଡିଆରେ କିଛି ଫଟୋ ଶେୟାରକରି ଲେଖିଛନ୍ତି, ଜଣେ ଗର୍ଭବତୀ ମହିଳାଙ୍କ ପାଇଁ ଏହା ସବୁଠାରୁ ରୋମାଞ୍ଚକ ଖେଳ ଥିଲା। କି ଦଳ ସେ। ଏଥିସହ ସେ ଦିଲ୍ର ଇମୋଜି ମଧ୍ୟ ଶେୟାର କରିଛନ୍ତି। ଅନୁଷ୍କାଙ୍କ ଏହି ପୋଷ୍ଟ ଖୁବ୍ ଭାଇରାଲ ହବାରେ ଲାଗିଛି। କିଛିଦିନ ତଳେ ଅନୁଷ୍କା କ୍ରିକେଟର ସୁନୀଲ ଗାଭାସ୍କରଙ୍କୁ ଜବାବ ଦେଇ ଚର୍ଚ୍ଚାରେ ରହିଥିଲେ।
ଆଇପିଏଲ୍ର ୧୩ତମ ସିଜିନ୍ର ୧୦ମ ମ୍ୟାଚ୍ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମୁମ୍ବାଇ ଇଣ୍ଡିଆନ୍ସକୁ ଏକ ରୋମାଞ୍ଚକ ଭାବେ ହରାଇଥିଲା। ୧୩ ବର୍ଷର ଆଇପିଏଲ୍ ଇତିହାସରେ ପ୍ରଥମ ଥର ପାଇଁ ୨୦୦ରୁ ଅଧିକ ସ୍କୋର କରିବା ସତ୍ତ୍ୱେ ଏହି ମ୍ୟାଚ ଟାଇ ହୋଇଥିଲା। ଏହି ମ୍ୟାଚରେ ବାଙ୍ଗାଲୋର ଟସ୍ ହାରି ୩ ଓ୍ବିକେଟରେ ୨୦୧ ରନ୍ କରିଥିଲା। ଏହାକୁ ଜବାନ ଦେଇ ମୁମ୍ବାଇ ୫ ଓ୍ବିକେଟରେ ୨୦୧ ରନ୍ କରିଥିଲା। ପରେ ସୁପର ଓଭରରେ ବିରାଟଙ୍କ ଦଳ ଜିତିଯାଇଥିଲା।
