ଭାରତୀୟ ଅଧିନାୟକ ବିରାଟ କୋହଲି ଏବେ ଆଇସିସି ବିଶ୍ୱ ଟେଷ୍ଟ ଚାମ୍ପିଅନସିପ (ଡବ୍ଲ୍ୟୁଟିସି) ଫାଇନାଲ ମ୍ୟାଚ ପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ୧୮ରୁ ୨୨ ଜୁନ ମଧ୍ୟରେ ଇଂଲଣ୍ଡରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଏହି ଐତିହାସିକ ଟାଇଟଲ ମ୍ୟାଚ ଖେଳାଯିବ। କୋହଲି ଏବେ ମୁମ୍ବାଇରେ କ୍ୱାରାଣ୍ଟାଇନରେ ଅଛନ୍ତି। ବ୍ୟସ୍ତ କାର୍ଯ୍ୟସୂଚୀରୁ ଅଳ୍ପ ସମୟ ନେଇ ସେ ଇନଷ୍ଟାଗ୍ରାମରେ ଏକ ପ୍ରଶ୍ନ ଏବଂ ଉତ୍ତର କାର୍ଯ୍ୟକ୍ରମ କରିଥିଲେ। ପ୍ରଶଂସକଙ୍କ ସହ କାର୍ଯ୍ୟକ୍ରମ ଆରମ୍ଭ କରିବାକୁ ଯାଇ କୋହଲି ତାଙ୍କ ପୋଷ୍ଟର କ୍ୟାପସନରେ ଲେଖିଥିଲେ ଯେ, କ୍ୱାରାଣ୍ଟାଇନ୍ରେ, ମୋତେ ତୁମର ପ୍ରଶ୍ନ ପଚାର। ଏହି ସମୟ ମଧ୍ୟରେ ସେ ତାଙ୍କ ଝିଅ ଭାମିକାଙ୍କଠାରୁ ଆରମ୍ଭ କରି ଏମଏସ ଧୋନୀଙ୍କ ପର୍ଯ୍ୟନ୍ତ ଉତ୍ତର ଦେଇଥିଲେ। ଏହି ଅଧିବେଶନ ସମୟରେ କୋହଲିଙ୍କ ସ୍ତ୍ରୀ ଅନୁଷ୍କା ଶର୍ମା ମଧ୍ୟ ଏକ ପ୍ରଶ୍ନ ପଚାରିଥିଲେ। ସେ କହିଥିଲେ ମୋ ହେଡ୍ଫୋନ୍ କେଉଁଠି ରଖିଛ। ଏହାର ଜବାବରେ କୋହଲି କହିଥିଲେ, ସବୁଥର ପରି ବେଡ୍ର ପାଖ ଟେବୁଲ୍ ଉପରେ। ପ୍ରଶଂସକଙ୍କ ଏହି ପ୍ରଶ୍ନ ଏବଂ ଉତ୍ତର ବେଶ୍ ପସନ୍ଦ ଆସିଥିଲା।