ଦୀର୍ଘ ୫ ବର୍ଷର ବିରତି ପରେ ଅଭିନେତ୍ରୀ ଅନୁଷ୍କା ଶର୍ମା ଏବେ ବଡ ପରଦାରେ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି। ତାଙ୍କ ଅଭିନୀତ ଫିଲ୍ମ ‘ଚକଡା ଏକ୍ସପ୍ରେସ’ ଖୁବ ଶୀଘ୍ର ରିଲିଜ ହେବ। ଏହାପୂର୍ବରୁ ଅନୁଷ୍କା ଆଜିକାଲି ସ୍ବାମୀ ବିରାଟ କୋହଲି ଏବଂ ଜିଅ ଭାମିକାଙ୍କ ସହ ମାଳଦ୍ୱୀପ ଛୁଟି କାଟୁଛନ୍ତି। ନିକଟରେ ସେ କମଳା ରଙ୍ଗର ମୋନୋକିନି ପିନ୍ଧି ଏକ ଫଟୋ ଶେୟାର କରିଛନ୍ତି। ଏଥିରେ ଅନୁଷ୍କା ବହୁତ ଷ୍ଟାଇଲିସ ଏବଂ ଗ୍ଲାମରସ ନଜର ଆସିଛନ୍ତି। ତାଙ୍କର ଏହି ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି।
ଅନୁଷ୍କା ଖୁବ ଶୀଘ୍ର ଫିଲ୍ମ ‘ଚକଡା ଏକ୍ସପ୍ରେସ’ ସହିତ ବଲିଉଡ୍କୁ ଫେରିବାକୁ ଯାଉଛନ୍ତି। ଏହି ଫିଲ୍ମରେ ସେ ଭାରତୀୟ ମହିଳା କ୍ରିକେଟ ଦଳର ପୂର୍ବତନ ଅଧିନାୟକ ଝୁଲନ ଗୋସ୍ବାମୀଙ୍କ ଭୂମିକାରେ ନଜର ଆସିବେ। ଏହି ଫିଲ୍ମ ସହିତ ୫ ବର୍ଷ ପରେ ସେ ବଡ ପରଦାରେ ଫେରିବାକୁ ଯାଉଛନ୍ତି। ୨୦୧୮ରେ ଅନୁଷ୍କାଙ୍କୁ ଶାହାରୁଖ ଖାନଙ୍କ ସହ ଫିଲ୍ମ ଜିରୋରେ ଦେଖିବାକୁ ମିଳିଥିଲା।
