ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଖୁବ୍ଶୀଘ୍ର ମା’ ହେବାକୁ ଯାଉଛନ୍ତି। ଏବେ ସେ ଗର୍ଭାବସ୍ଥା ଖୁବ୍ ଉପଭୋଗ କରୁଛନ୍ତି। ନିକଟରେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ଶେୟାର କରିଛନ୍ତି। ଯାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଫଟୋରେ ଅନୁଷ୍କା ଶର୍ମା ଶୀର୍ଷାସନ କରୁଥିବା ଦେଖାଯାଉଛି। ଏଥିରେ ସ୍ବାମୀ ବିରାଟ କୋହଲି ତାଙ୍କୁ ସାହାଯ୍ୟ କରୁଛନ୍ତି। ବିରାଟ ବହୁତ ଯତ୍ନଶୀଳ ହୋଇ ତାଙ୍କ ଗୋଡକୁ ଧରଥିବା ଦେଖାଯାଇଛି। ଅନୁଷ୍କା ଫଟୋ ଶେୟାର କରି ଲେଖିଛନ୍ତି, ଏହା ହ୍ୟାଣ୍ଡସ-ଡାଉନ ଏବଂ ଲେଗ୍ସ ଅପ ବ୍ୟାୟାମ। ଯୋଗ ମୋ ଜୀବନର ଏକ ବଡ ଅଂଶ୍। ଗର୍ଭାବସ୍ଥାରେ ଡାକ୍ତର ମୋତେ ଯୋଗାସନ କରିବାକୁ ଅନୁମତି ଦେଇଛନ୍ତି। କିନ୍ତୁ ଯେଉଁ ଆସନରେ ଅଧିକ ମୋଡ଼ି ହେବା କିମ୍ବା ଅଧିକ ବଙ୍କା ହେବାକୁ ପଡିବ ସେ ଆସନ ନ କରିବାକୁ ଡାକ୍ତର ପରାମର୍ଶ ଦେଇଛନ୍ତି। କିନ୍ତୁ ନିଶ୍ଚିତ ଭାବରେ ସଠିକ ଏବଂ ଆବଶ୍ୟକ ସମର୍ଥନ ସହିତ ଏହି ସମୟରେ ହେଡଷ୍ଟାଣ୍ଡ କରୁଛି। ମୁଁ ଏହାକୁ ବହୁ ବର୍ଷ ଧରି କରିଆସୁଛି। କାନ୍ଥକୁ ସମର୍ଥନ ଭାବରେ ବ୍ୟବହାର କରି ଏହା କରିଥିଲି ଏବଂ ମୋର ଅତି ଦକ୍ଷ ସ୍ବାମୀ ମୋତେ ସନ୍ତୁଳନ କରିବାରେ ସାହାଯ୍ୟ କରିଥିଲେ। ଏହାସହ ଯୋଗ ଗୁରୁଙ୍କ ତତ୍ତ୍ୱାବଧାନରେ ଏହା କରିଥିଲି। ମୁଁ ବହୁତ ଖୁସି ଯେ ଗର୍ଭାବସ୍ଥାରେ ମଧ୍ୟ ମୁଁ ମୋର ଅଭ୍ୟାସ ଜାରି ରଖିଛି ବୋଲି ଅନୁଷ୍କା କହିଛନ୍ତି। ମାତ୍ର ୧୨ ମିନିଟରେ ୩ ଲକ୍ଷରୁ ଅଧିକ ଲୋକ ଅନୁଷ୍କାଙ୍କ ଏହି ଫଟୋକୁ ପସନ୍ଦ କରିଛନ୍ତି ଏବଂ ଶେୟାର କରିଛନ୍ତ। ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ପ୍ରଥମ ଥର ପାଇଁ ପିତା ହେବାକୁ ଯାଉଛନ୍ତି। ଅନୁଷ୍କା ଶର୍ମା ଗର୍ଭାବସ୍ଥାରେ ମଧ୍ୟ ବେଶ୍ ସକ୍ରିୟ ରହିଛନ୍ତି। ସେ କେବଳ ନିଜ କାର୍ଯ୍ୟକୁ ଯଥାସମ୍ଭବ ଚଳାଇବାକୁ ଚେଷ୍ଟା କରୁନାହାଁନ୍ତି ବରଂ ଶାରୀରିକ ସ୍ତରରେ ମଧ୍ୟ ସେ ବହୁତ ସକ୍ରିୟ ରହିଛନ୍ତି।
View this post on Instagram
