ମୁମ୍ବାଇ: ବଲଉଡ୍ ନାୟିକା ଅନୁଷ୍କା ଶର୍ମା ଏବେ ଖୁବ୍ ଚର୍ଚ୍ଚାରେ । ଆଉ କିଛିଦିନ ପରେ ସେ ମା’ ହେବାକୁ ଯାଉଥିବା ଖବର ଜଣାପଡିବା ପରେ କେବେ କେବେ ସେ ସୋସିଆଲ ମିଡିଆରେ ଆସିଯାଉଛନ୍ତି ଚର୍ଚ୍ଚାକୁ । ଏବେ ସାରା ଦେଶରେ ହାଥରସ ଗଣବଳାତ୍କର ମାମଲାକୁ ନେଇ ଆଲୋଚନା ସମାଲୋଚନା ଚାଲିଥିବା ବେଳେ ଏହାକୁ ନେଇ ନିଜର ମତ ରଖିଛନ୍ତି ଅଭିନେତ୍ରୀ । ସୋସିଆଲ ମିଡିଆ ମାଧ୍ୟମରେ ସେ କହିଛନ୍ତି ଦିନକୁ ଦିନ ଦେଶରେ ବଳାତ୍କାର ମାମଲା ବଢିବାରେ ଲାଗିଛି । କେବେ ସେହି ସମୟ ଆସିବ ଯେତେବେଳେ ଦେଶରେ ଜଣେ ଯୁବତୀ ବା ନାରୀ ନିଜକୁ ସୁରକ୍ଷିତ ମଣିବ । ନିଜର ରାଗ ଦେଖାଇ ଅନୁଷ୍କା ସମାଜକୁ ସୁଧାରିବା ପାଇଁ ନିଜର ମତ ଶେୟାର କରିଛନ୍ତି । ଝିଅ-ପୁଅ ମଧ୍ୟରେ ଥିବା ପାର୍ଥକ୍ୟକୁ ଦର୍ଶାଇ ସେ ନିଜର ରାଗ ପ୍ରକାଶ କରିଛନ୍ତି । ସେ ଲେଖିଛନ୍ତି ଆମ ସମାଜରେ ପୁଅମାନଙ୍କର ରହିଛି ଏକ ବିଶେଷ ଅଧିକାର । କିନ୍ତୁ ଏମିତି କାହିଁକି । ଗୋଟିଏ ଝିଅକୁ କାହିଁକି ବିଶେଷ ଅଧିକାର ଦିଆ ନ ଯିବ । ଝିଅକୁ ଏବେ ପର୍ଯ୍ୟନ୍ତ ସମାଜରେ ଭିନ୍ନ ନଜରରେ ଦେଖାଯାଉଛି । ହେଲେ ପ୍ରଥମେ ପୁଅମାନଙ୍କ ମାତାପିତା ସେମାନଙ୍କୁ ଏମିତି ଗଢନ୍ତୁ ଯେମିତି ସେ ଜଣେ ସଂସ୍କାରି ମଣିଷ ହେବ । ଝିଅମାନଙ୍କୁ ସମ୍ମାନ କରିବା ଅଭିଭାବକମାନେ ପୁଅଙ୍କୁ ଶିଖାନ୍ତୁ ବୋଲି ଅନୁଷ୍କା ଲେଖିଛନ୍ତି । କେବଳ ବିଶେଷ ଅଧିକାର ଦେଇ ପୁଅମାନଙ୍କୁ ବିଗାଡି ଦିଅନ୍ତୁ ନାହିଁ ।