ଅହମ୍ମଦାବାଦ,୧୮।୧୧: ଫାଇନାଲରେ ମୁହାଁମୁହିଁ ହେବାକୁ ଯାଉଛନ୍ତି ଟିମ୍ ଇଣ୍ଡିଆ-ଅଷ୍ଟ୍ରେଲିଆ। ଏଥିପାଇଁ ଦେଶବାସୀ ରବିବାର ମ୍ୟାଚକୁ ଉତ୍ସାହର ସହ ଅପେକ୍ଷା କରିଛନ୍ତି। ଟିମ୍ ଇଣ୍ଡିଆର ଶତକ ସର୍ଦ୍ଦାର ବିରାଟ କୋହଲିଙ୍କ ଛକା ଚଉକା ଦେଖିବାକୁ ପୁଣିଥରେ ଫ୍ୟାନ୍ସ ଚାହିଁ ରହିଛନ୍ତି। ସେହିପରି ତାଙ୍କୁ ଚିୟର୍ସ କରିବାକୁ ସ୍ତ୍ରୀ ଅନୁଷ୍କା ଶର୍ମା ମଧ୍ୟ ଅହମ୍ମଦାବାଦ ଆସି ପହଞ୍ଚିଛନ୍ତି। ଏହାରି ଭିତରେ ଅନୁଷ୍କାଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି। ଭିଡିଓରେ ଦେଖାଯାଉଛି କି, ଅନୁଷ୍କା ତାଙ୍କ ପ୍ରାଇଭେଟ ଜେଟ୍ରେ ଅହମ୍ମଦାବାଦ ପହଞ୍ଚି ସାରିଛନ୍ତି। ଭିଡିଓଟି ଅନୁଷ୍କାଙ୍କ ଫ୍ୟାନ କ୍ଲବରେ ଶେୟାର ହୋଇଛି।
ପ୍ଲେନରୁ ଓହ୍ଲାଇବା ପରେ ଅନୁଷ୍କା ପାଇଲଟଙ୍କ ସହ କିଛି କଥାବାର୍ତ୍ତା ହେବାର ନଜର ଅସିଛନ୍ତି। ଏହାପରେ ସେ ତାଙ୍କ ଗାଡି ପାଖକୁ ଯାଉଛନ୍ତି। ଭିଡିଓ ସେ ଏକ ହ୍ବାଇଟ ସୁଟ୍ ପିନ୍ଧିଛନ୍ତି। ସେ ବାରମ୍ବାର ତାଙ୍କ ହାତ ପେଟ ଉପରେ ରଖୁଛନ୍ତି। ଅନୁଷ୍କା ବେବି ବମ୍ପ ଲୁଚାଉଥିବା ଭିଡିଓରେ ଫ୍ୟାନ୍ସ କମେଣ୍ଟ କରିଛନ୍ତି। ତେବେ ଭିଡିଓଟି ନୂଆ ନା ପୁରୁଣା ଏହା ର ସ୍ପଷ୍ଟ ସୂଚନା ନାହିଁ।