ମୁମ୍ବାଇ: ଅଭିନେତ୍ରୀ ଅନୁଷ୍କା ଶର୍ମା ଏବଂ ବିରାଟ କୋହଲି ବଲିଉଡର ଚର୍ଚ୍ଚିତ ପ୍ରେମୀ ଯୁଗଳଙ୍କ ତାଲିକାରେ ସ୍ଥାନ ପାଇଛନ୍ତି। ବର୍ତ୍ତମାନ ବିରାଟ କୋହଲି ବିଶ୍ୱକପ ୨୦୨୩ ରେ ବହୁତ ବ୍ୟସ୍ତ ଅଛନ୍ତି। ନିକଟରେ କ୍ରିକେଟର ତାଙ୍କର ୩୫ ତମ ଜନ୍ମଦିନ ପାଳନ କରିଥିଲେ। ପତ୍ନୀ ଅନୁଷ୍କା ମଧ୍ୟ ସ୍ବତନ୍ତ୍ର ଭାବେ ସ୍ବାମୀ ବିରାଟଙ୍କୁ ଜନ୍ମଦିନ ଶୁଭେଚ୍ଛା ଜଣାଇଥିଲେ। ଏହି ସମୟରେ ଅନୁଷ୍କା ତାଙ୍କ ପରବର୍ତ୍ତୀ ମ୍ୟାଚରେ ବିରାଟଙ୍କୁ ସମର୍ଥନ କରିବା ପାଇଁ ବେଙ୍ଗାଲୁରୁରେ ପହଞ୍ଚିଥିବା ଜଣାପଡିଛି। ନିକଟରେ ଅନୁଷ୍କାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ଅଭିନେତ୍ରୀ ବେଙ୍ଗାଲୁରୁରେ ପହଞ୍ଚିଥିବା କୁହାଯାଉଛି। ଭିଡିଓରେ ଅନୁଷ୍କାଙ୍କ ଲୁକ ମଧ୍ୟ ଭାଇରାଲ ହୋଇଛି।
