ମୁମ୍ବାଇ: ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ନିକଟରେ ତାଙ୍କ ଇନଷ୍ଟାଗ୍ରାମରେ ଏମିତି ଏକ ଫଟୋ ଶେୟାର କରିଛନ୍ତି ଯାହାକୁ ଦେଖି ତାଙ୍କ ସ୍ୱାମୀ ବିରାଟ କୋହଲି ଅଡୁଆରେ ପଡିଯାଇଛନ୍ତି । ମଙ୍ଗଳବାର ଅନୁଷ୍କା ଇନଷ୍ଟାଗ୍ରାମରେ ଏକ ଫଟୋ ଶେୟାର କରି ସେଥିରେ ତାଙ୍କ ଟ୍ୟାନକୁ ଦେଖାଇଛନ୍ତି । ଆଉ ଫଟୋର କ୍ୟାପଶନରେ ଲେଖିଛନ୍ତି, ‘ଟେନ ପର ଟ୍ୟାନ ହୈ’ । ଏହି ଫଟୋକୁ ତାଙ୍କ ପ୍ରଶଂସକ ଓ ବନ୍ଧୁମାନେ ବେଶ ପସନ୍ଦ କରିଛନ୍ତି ।
ପତ୍ନୀଙ୍କ ଏହି ଫଟୋ ଉପରେ ବିରାଟ କୋହଲି ଏକ ସ୍ମାଇଲ ପୋଷ୍ଟ କରିଛନ୍ତି । ଫିଲ୍ମ ଜଗତର ବି କେତେଜଣ ସେଲିବ୍ରିଟି ଏହା ଉପରେ କମେଣ୍ଟ କରିଛନ୍ତି । ସୂଚନାଯୋଗ୍ୟ, ଅନୁଷ୍କା ଏବେ ତାଙ୍କ ଅପକମିଂ ଫିଲ୍ମ ପାଇଁ କ୍ରିକେଟ ଖେଳୁଛନ୍ତି ।
ନିକଟରେ ଅନୁଷ୍କା ବାଜାର ଇଣ୍ଡିଆ ମାଗାଜିନର କଭର ପେଜରେ ନଜର ଆସିଥିଲେ । ଏହି ସମୟରେ ଅଭିନେତ୍ରୀ କହିଥିଲେ, ମହିଳାମାନେ ପର୍ସନାଲ ଲାଇଫ ଓ ୱାର୍କ ମଧ୍ୟରେ ସନ୍ତୁଳନ ରକ୍ଷା କରିବା କାଠିକର ପାଠ । ମୁଁ ଭବିପାରୁନି ଯେ ଲୋକେ କାମ କରୁଥିବା ମାଆଙ୍କ ଜୀବନ ଓ ଭାବନାକୁ ବୁଝି ପାରୁଥିବେ । ମୁଁ ବି ଜଣେ ନାରୀ ହେଲେ ଯେପର୍ଯ୍ୟନ୍ତ ମୁଁ ମାଆ ହୋଇ ନ ଥିଲି ସେପର୍ଯ୍ୟନ୍ତ ମୁଁ ଏହା ବୁଝି ପାରୁ ନ ଥିଲି । ହେଲେ ଆଜି ମହିଳାଙ୍କ ପାଇଁ ମୋ ମନରେ ବହୁତ ଅଧିକ ସମ୍ମାନ ରହିଛି । ଆଉ ଭଲପାଇବା ବି ରହିଛି ।
କାମର କଥା ଯଦି ଆଲୋଚନା କରଯାଏ ତେବେ ଅନୁଷ୍କା ଖୁବଶୀଘ୍ର ‘ଚକଡା ଏକ୍ସପ୍ରେସ’ରେ ନଜର ଆସିବେ । ନେଟଫ୍ଲିକ୍ସ ଫିଲ୍ମ୍ମରେ ସେ କ୍ରିକେଟର ଝୁଲଣ ଗୋସ୍ୱାମୀ ଭୂମିକାରେ ନଜର ଆସିବେ । ସେ କହିଛନ୍ତି ଜଣେ ମହିଳା ଭାବେ ମୁଁ ଝୁଲଣଙ୍କ କାହାଣୀ ଶୁଣିବା ପରେ ଗର୍ବ ଅନୁଭବ କଲି । ଦର୍ଶକ ଓ କ୍ରିକେଟ ପ୍ରେମୀଙ୍କ ପାଇଁ ତାଙ୍କ ଜୀବନକୁ ପରଦାରେ ଦେଖାଇବାକୁ ଯାଉଥିବାରୁ ମୋ ପାଇଁ ଏହା ସମ୍ମାନର କଥା ।
