ମୁମ୍ବାଇ: ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା ଅନ୍ୟ ଅଭିନେତ୍ରୀମାନଙ୍କ ଅପେକ୍ଷା ସୋସିଆଲ ମିଡିଆରେ ବହୁତ ଆକ୍ଟିଭ୍। ଅନୁଷ୍କା ସବୁବେଳେ ପ୍ରଶଂସକମାନଙ୍କ ସହ ଯୋଡ଼ି ହୋଇ ରହିବା ପାଇଁ ତାଙ୍କ ଫଟୋ ଏବଂ ଭିଡିଓ ଶେୟାର କରିଥାନ୍ତି।
ଏବେ ସେ ତାଙ୍କ ଇନ୍ଷ୍ଟାଗ୍ରାମରେ ଏକ ପୋଷ୍ଟ କରି ଫଟୋଗ୍ରାଫର ଏବଂ ମିଡିଆକୁ ଧନ୍ୟବାଦ ଦେଇଛନ୍ତି। ଯାହା ଖୁବ୍ ଭାଇରାଲ ହେବାରେ ଲାଗିଛି। ଏହି ପୋଷ୍ଟରେ ଅନୁଷ୍କା ବର୍ତ୍ତମାନ ପର୍ଯ୍ୟନ୍ତ ଝିଅ ଭାମିକାଙ୍କର କୌଣସି ଫଟୋ ପୋଷ୍ଟ ନ କରିଥିବାରୁ ଫଟୋଗ୍ରାଫର ଏବଂ ଗଣମାଧ୍ୟମକୁ ଧନ୍ୟବାଦ ଦେଇଛନ୍ତି। ଏଥିସହିତ ଭାମିକା ଫ୍ୟାନ୍ କ୍ଲବ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି।
ଅଭିନେତ୍ରୀ ତାଙ୍କ ନୋଟ୍ରେ ଲେଖିଛନ୍ତି, ‘ଆମେ ଭାରତୀୟ ଫଟୋଗ୍ରାଫରଙ୍କୁ ହୃଦୟରୁ ଧନ୍ୟବାଦ ଦେଉଛୁ ଏବଂ ବିଶେଷକରି ଗଣମାଧ୍ୟମ ଯେଉଁମାନେ ଭାମିକାଙ୍କର କୌଣସି ଫଟୋ କିମ୍ବା ଭିଡିଓ ପ୍ରକାଶ କରିନାହାନ୍ତି। ପିତାମାତା ଭାବରେ, ଆମେ ଆମର ଶିଶୁ କନ୍ୟାର ଗୋପନୀୟତା ଚାହୁଁ। ଗଣମାଧ୍ୟମ ଏବଂ ସୋସିଆଲ ମିଡିଆ ଠାରୁ ଦୂରରେ ଜୀବନ ବିତାଇବାର ସ୍ବାଧୀନତା ଦେବା ପାଇଁ ଆମେ ଯଥାସମ୍ଭବ ଚେଷ୍ଟା କରିବୁ।
ସ୍ମରଣଥାଉକି, ଜାନୁୟାରୀ ୧୧ରେ ଭାମିକାଙ୍କୁ ଜନ୍ମ ଦେଇଥିଲେ ଅନୁଷ୍କା। ଆଉ କିଛିଦିନ ପରେ ଭାମିକାଙ୍କୁ ବର୍ଷେ ପୂରିବ। କିନ୍ତୁ ଏପର୍ଯ୍ୟନ୍ତ ତାଙ୍କର କୌଣସି ଫଟୋ କେଉଁଠି ଶେୟାର କରାଯାଇନାହିଁ। ବିରାଟ ଏବଂ ଅନୁଷ୍କା ବହୁ ଯତ୍ନବାନ। ଭାମିକାଙ୍କର ଯେମିତି କୌଣସି ଫଟୋ କୌଣସି ସ୍ଥାନରେ ଲିକ୍ ନ ହେଉ। ଏପରିକି ସେ ଭାମିକାଙ୍କ ଫଟୋ ନ ଉଠାଇବା ପାଇଁ ଫଟୋଗ୍ରାଫରଙ୍କୁ ମଧ୍ୟ ପୂର୍ବରୁ ଅନୁରୋଧ କରିଛନ୍ତି।
