ବଲିଉଡ ଅଭିନେତ୍ରୀ ଅନୁଷ୍କା ଶର୍ମା କନ୍ୟା ସନ୍ତାନର ମା’ ହେବାର ସୌଭାଗ୍ୟ ଲାଭ କରିଛନ୍ତି। ଚଳିତ ବର୍ଷ ଜାନୁଆରୀରେ ସେ ଝିଅ ଭାମିକାଙ୍କୁ ଜନ୍ମ ଦେଇଥିଲେ। ଏବେ ସେ ଏକ ଭଲ କାରଣ ପାଇଁ ମାତୃତ୍ୱ ସମୟରେ ପିନ୍ଧିଥିବା ପୋଷାକକୁ ନିଲାମ କରିବାକୁ ନିଷ୍ପତ୍ତି ନେଇଛନ୍ତି। ବିଶେଷ କଥା ହେଉଛି, ଅନୁଷ୍କା ଏହି ପୋଷାକ ନିଲାମରୁ ପ୍ରାପ୍ତ ଅର୍ଥକୁ ମାତୃ ସ୍ବାସ୍ଥ୍ୟକୁ ସମର୍ଥନ କରିବା ଏବଂ ୨.୫ ଲକ୍ଷ ଲିଟର ଜଳ ସଞ୍ଚୟ କରିବାକୁ ଦାନ କରିବେ।
‘ସର୍କୁଲାର ଇକୋନୋମି’କୁ ପ୍ରୋତ୍ସାହିତ କରିବା ପାଇଁ ଅନୁଷ୍କା ଶର୍ମା ନିଜର ମାତୃତ୍ୱ ପୋଷାକ ବିକ୍ରୟ କରିବାକୁ ନିଷ୍ପତ୍ତି ନେଇଛନ୍ତି। ଏକ ସାକ୍ଷାତକାରରେ ଅନୁଷ୍କା ଶର୍ମା କହିଛନ୍ତି- ଏହା ଏକ ଅତି ସରଳ ଉପାୟ, ଯାହା ଦ୍ୱାରା ଆମ ମଧ୍ୟରୁ ଜଣେ ଦୟା ପୂର୍ବକ ଜୀବନ ବିତାଇ ପାରିବେ। ଏହି ଡ୍ରେସ୍ଗୁଡ଼ିକୁ ସର୍କୁଲାର୍ ଫ୍ୟାଶନ୍ରେ ପୁନଃ ବିକ୍ରୟ କରିବା ଦ୍ୱାରା ପରିବେଶ ଉପରେ ଆମର ବହୁତ ସକରାତ୍ମକ ପ୍ରଭାବ ପଡିଥାଏ। ମୋର ଗର୍ଭଧାରଣ ସମୟରେ, ମୁଁ ଅନୁଭବ କଲି ଯେ ଆମ ଜୀବନର ଏହି ପର୍ଯ୍ୟାୟ ସର୍କୁଲାର ଇକୋନୋମିରେ ଅଂଶଗ୍ରହଣ କରିବା ଅତ୍ୟନ୍ତ ଉପଯୋଗୀ ।
ସର୍କୁଲାର୍ ଫ୍ୟାଶନ ହେଉଛି ଏକ ପ୍ରଣାଳୀ ଯେଉଁଥିରେ ଏକ ର୍ନିଦ୍ଦିଷ୍ଟ ମଡେଲ ଅନୁଯାୟୀ ପୋଷାକ ତିଆରି କରାଯାଏ ଏବଂ ଏହାର ଗୁଣ ଏବଂ ସ୍ଥାୟୀତ୍ୱ ଉପରେ ବିଶେଷ ଧ୍ୟାନ ଦିଆଯାଏ। ଏହିପରି ପୋଷାକ ତିଆରି କରିବା ସମୟରେ ପରିବେଶର ସମ୍ପୂର୍ଣ୍ଣ ଯତ୍ନ ମଧ୍ୟ ନିଆଯାଏ।