ମୁମ୍ବାଇ: ଅଭିନେତ୍ରୀ ଅନୁଷ୍କା ଶର୍ମା ତାଙ୍କ ସ୍ବାମୀ ତଥା କ୍ରିକେଟର ବିରାଟ କୋହଲିଙ୍କ ସହିତ ସୋସିଆଲ ମିଡିଆରେ ମଜାଳିଆ ଫଟୋ ସବୁ ଶେୟାର କରୁଛନ୍ତି। ଶନିବାର ଅନୁଷ୍କା ଇଂଲଣ୍ଡର ଗଳି ରାସ୍ତାରେ ଠିଆ ହୋଇ କିଛି ଫଟୋ ଶେୟାର କରିଛନ୍ତି। ବିରାଟଙ୍କର ମଧ୍ୟ କିଛି ସୁନ୍ଦର ସୁନ୍ଦର ଫଟୋ ଶେୟାର କରିଛନ୍ତି। ଫଟୋ ଶେୟାର କରି ଅନୁଷ୍କା ଏକ ସୁନ୍ଦର କ୍ୟାପଶନ ଲେଖିଛନ୍ତି, ‘ସହରରେ ବାସ୍ ଏମିତି ବୁଲୁଛୁ। ଏହି ସମୟରେ ଜଣେ ପ୍ରଶଂସକ ମୋତେ ଦେଖିଦେଲେ, ଆଉ ଫଟୋ ନେବାକୁ କହିଲେ। ସେ ବହୁତ ଖୁସି ଜଣାପଡୁଥିଲେ। ତେଣୁ ମୋ’ ପ୍ରଶଂସକଙ୍କ ପାଇଁ ମୁଁ କିଛି ବି କରିପାରେ’।
ଅନୁଷ୍କା ଲାଫିଙ୍ଗ୍ ଇମୋଜି ସହ ଏହି ପୋଷ୍ଟଟିକୁ ଶେୟାର କରିଛନ୍ତି। ଏବେ ଆପଣ ଭାବନ୍ତୁ ଅନୁଷ୍କା କେଉଁ ପ୍ରଶଂସକଙ୍କ ପାଇଁ ଏହି ପୋଷ୍ଟ କରିଛନ୍ତି। ଆମେ ଦ୍ୱଦ୍ୱ ଦୂର କରୁଛୁ। ବିରାଟଙ୍କ ପାଇଁ ହିଁ ସେ ଏହି ଫଟୋ ଉଠାଇଛନ୍ତି। ବିରାଟ ହେଉଛନ୍ତି ତାଙ୍କ ପ୍ରଶଂସକ।
ଏହି ଫଟୋରେ ଅନୁଷ୍କା ସାଧାରଣ ଡ୍ରେସ୍ରେ ଅଛନ୍ତି। ଜିନ୍ସ ସହ ଟି-ଶର୍ଟ ପିନ୍ଧିଛନ୍ତି। ବିରାଟ ଏକ ବ୍ଲୁ କଲରର ସ୍ବେଟର ପିନ୍ଧିଛନ୍ତି। ଫଟେରେ ଦୁହେଁ ଖୁବ୍ ସୁନ୍ଦର ଦିଶୁଛନ୍ତି। ଫଟୋକୁ ଅନୁଷ୍କାଙ୍କ କ୍ୟାପଶନ ପ୍ରଶଂସକଙ୍କ ହୃଦୟ ଜିଣି ନେଇଛି।
ଅଗଷ୍ଟରେ ଇଂଲଣ୍ଡରେ ୫ ମ୍ୟାଚ୍ ଟେଷ୍ଟ ସିରିଜ୍ ଆରମ୍ଭ ହେବ। ଯେଉଁଥିପାଇଁ ବିରାଟ ତାଙ୍କ ଟିମ୍ଙ୍କ ସହ ଅଭ୍ୟାସ ଜାରି ରଖିଛନ୍ତି। ଅନୁଷ୍କା ବି ଝିଅ ସହିତ ବିରାଟଙ୍କୁ ସାଥ୍ ଦେଉଛନ୍ତି। ପ୍ରତି ମ୍ୟାଚ୍ରେ ଅନୁଷ୍କା ବିରାଟଙ୍କୁ ସପୋର୍ଟ କରିଥାନ୍ତି।
