ଲଣ୍ଡନ,୧୬।୬: ନ୍ୟୁଜିଲାଣ୍ଡ ବିପକ୍ଷ ବିଶ୍ୱ ଟେଷ୍ଟ ଚାମ୍ପିଅନସିପର ଫାଇନାଲ ପାଇଁ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଆଜିକାଲି ଇଂଲଣ୍ଡରେ ଅଛନ୍ତି। ଚାରି ମାସର ଯାତ୍ରା ସମୟରେ ବିରାଟ ତାଙ୍କ ସ୍ତ୍ରୀ ଅନୁଷ୍କା ଶର୍ମା ଏବଂ ଝିଅ ଭାମିକାଙ୍କ ସହ ଅଛନ୍ତି। ଭାମିକା ଚଳିତ ବର୍ଷ ଜାନୁୟାରୀ ୧୧ରେ ଜନ୍ମ ହୋଇଥିଲେ। ବିରାଟ ଏବଂ ଅନୁଷ୍କା ଭାରତର ପ୍ରସିଦ୍ଧ ଦମ୍ପତିମାନଙ୍କ ମଧ୍ୟରୁ ଅନ୍ୟତମ । କୋହଲି ଏବଂ ଅନୁଷ୍କା ୧୧ ଡିସେମ୍ବର ୨୦୧୭ରେ ଇଟାଲୀର ଏକ ବିଳାସପୂର୍ଣ୍ଣ ରିସର୍ଟରେ ବିବାହ କରିଥିଲେ। ପରେ ଏହି ବିବାହର ଅନେକ ଚିତ୍ର ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏପରି ଏକ ଭିଡିଓରେ କୋହଲି ଅନୁଷ୍କାଙ୍କ ପାଇଁ ଗୀତ ଗାଉଥିବାର ଦେଖାଯାଇଥିଲା। ଏହି ଗୀତ ଶୁଣିବା ପରେ ଅନୁଷ୍କା ଶର୍ମାଙ୍କ ଆଖି ଲୁହରେ ଭରି ଯାଇଥିଲା। କୋହଲି ଅନୁଷ୍କାଙ୍କ ପାଇଁ ‘ମେରେ ମେହବୁବ କୟାମତ ହୋଗି …’ ଗୀତ ଗାଇଥିଲେ। ଏହି ସମୟରେ ଅନୁଷ୍କା ଭାବପ୍ରବଣ ହୋିଯାଇଥିଲେ।
ଅନୁଷ୍କା ଶର୍ମା ଶାହରୁଖ ଖାନଙ୍କ ସହ ‘ରବ ନେ ବନା ଡି ଯୋଡି’ (୨୦୦୮)ରେ ଡେବ୍ୟୁ କରିଥିଲେ। ସେହି ବର୍ଷ କୋହଲି ମଧ୍ୟ ଭାରତ ପାଇଁ ଡେବ୍ୟୁ କରିଥିଲେ।