କେନ୍ଦୁଝର,୨୯।୩(ସ୍ବ.ପ୍ର.): ଆସନ୍ତା ଏପ୍ରିଲ ୯ ତାରିଖରେ ଭାଜପାର ରାଷ୍ଟ୍ରୀୟ ପ୍ରବକ୍ତା ତଥା ନ୍ତର୍ଜାତୀୟ ଏମ୍ପି ସଂଘର କାର୍ଯ୍ୟକାରୀ ସଦସ୍ୟା ଅପରାଜିତା ଷଡ଼ଙ୍ଗୀ କେନ୍ଦୁଝର ଗସ୍ତ କରିବେ। ଏ ନେଇ ବଡ଼ବିଲରେ ପଦଯାତ୍ରା ଓ ବଲାଣୀ ଠାରେ ବିଶାଳ ଶ୍ରମିକ ସମାବେଶ ହେବାକୁ ଯାଉଛି। ଉପରୋକ୍ତ କାର୍ଯ୍ୟକ୍ରମ ସଫଳ କରିବା ପାଇଁ ବଲାଣୀଠାରେ କମଳାପତି ଯାଦବଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଭାଜପାରର ବରିଷ୍ଠ ନେତା ଜୀବନ ସାହୁ, ନିକୁଞ୍ଜ ପଟ୍ଟନାୟକ, ମନ୍ମଥ ମଲ୍ଲିକ ଓ ବଡ଼ବିଲ ନଗର ଭାଜପା ସଭାପତି ବାବୁଲା ସାହୁ ଉପସ୍ଥିତ ରହି ଆଲୋଚନା କରିଥିଲେ। ଭଦ୍ରାସାହି ମଣ୍ଡଳ ସଭାପତି ସତ୍ୟବ୍ରତ ଜେନା ସଂଯୋଜନା କରିଥିଲେ।
