ବମ୍ବେ: ବାପା ହେଲେ ବଲିଉଡ୍ ଅଭିନେତା ତଥା ହୋଷ୍ଟ ଅପାରଶକ୍ତି ଖୁରାନ୍ନା। ଅଭିନେତାଙ୍କ ସ୍ତ୍ରୀ ଆକୃତି ଆହୁଜା ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଇନ୍ଷ୍ଟାଗ୍ରାମରେ ସ୍ବତନ୍ତ୍ର ପୋଷ୍ଟ କରି ସେ ଏହି ଖବର ବିଷୟରେ ପ୍ରଶଂସକଙ୍କୁ ଅବଗତ କରାଇଛନ୍ତି। ଉଭୟ ଝିଅଙ୍କ ନାମ ଆର୍ଜୋଇ ଏ ଖୁରାନା ରଖିଥିବା ମଧ୍ୟ ସେ କହିଛନ୍ତି।
କିଛି ଦିନ ପୂର୍ବେ ଅପାରଶକ୍ତି ସ୍ତ୍ରୀ ଆକୃତିଙ୍କ ଗୋଦ୍ ଭରାଇର ସୁନ୍ଦର ଭିଡିଓ ଶେୟାର କରିଥିଲେ। ଏଥିରେ ପୁରା ପରିବାର ଖୁସିରେ ଆକୃତିଙ୍କୁ ଆଶୀର୍ବାଦ ଦେଉଥିବା ଦେଖାଯାଇଥିଲା।
ଅଭିନୟଜୀବନ ବିଷୟରେ କଥା ହେଲେ ଆଗାମୀ ଦିନରେ ଅଭିନେତାଙ୍କ ଫିଲ୍ମ ‘ ହେଲ୍ମେଟ୍’ ରିଲିଜ ହେବାକୁ ଯାଉଛି। ଏହି ଫିଲ୍ମରେ ସେ ମୁଖ୍ୟ ଭୂମିକାରେ ଅଭିନୟ କରୁଛନ୍ତି। ତେବେ ସେ ଅମିର ଖାନଙ୍କ ଫିଲ୍ମ ‘ଦଙ୍ଗଲ’ ଜରିଆରେ ଡେବ୍ୟୁ କରିଥିଲେ। ପରେ ସେ ବଦ୍ରିନାଥ କି ଦୁଲହନିଆ, ସ୍ତ୍ରୀ, ଲୁକା ଛୁପ୍ପି ଏବଂ ବାଲା ସହ ଅନେକ ସୁପରହିଟ୍ ଫିଲ୍ମରେ କାମ କରିସାରିଲେଣି।