ନୂଆଦିଲ୍ଲୀ,୧।୨: ଗବାରେ ଅଷ୍ଟ୍ରେଲିୟ ଦଳର ଗର୍ବ ଭାଙ୍ଗିବା ପରେ ୱେଷ୍ଟଇଣ୍ଡିଜ ଫାଷ୍ଟ ବୋଲର ଶମର ଜୋସେଫଙ୍କ ଚାହିଦା ଇଣ୍ଡିଆନ ପ୍ରିମିୟର ଲିଗ ୨୦୨୪ରେ ବୃଦ୍ଧି ପାଇଛି। ରୟାଲ ଚ୍ୟାଲେଞ୍ଜର୍ସ (ଆରସିବି) ବ୍ୟତୀତ ଆଉ ଦୁଇଟି ଦଳ ଶମର ଜୋସେଫଙ୍କୁ କିଣିବାକୁ ଆଗ୍ରହ ଦେଖାଇଛନ୍ତି। ପୂର୍ବରୁ ଖବର ପ୍ରକାଶ ପାଇଥିଲା ଯେ ଆରସିବି ଶମର ଜୋସେଫଙ୍କୁ ଆହତ ବୋଲର ଟମ କରାନଙ୍କ ବଦଳରେ କିଣିବାକୁ ଚେଷ୍ଟା କରୁଛି। କ୍ରିକ ନେକ୍ସଟର ରିପୋର୍ଟ ଅନୁଯାୟୀ, ଶମର ଜୋସେଫଙ୍କୁ କିଣିବା ପାଇଁ ବର୍ତ୍ତମାନ ଆଉ ଦୁଇଟି ଦଳ ଦୌଡ଼ରେ ସାମିଲ ହୋଇଛନ୍ତି। କ୍ରିକେଟ ବିଶେଷଜ୍ଞ ପାରସନା ଏହା ମଧ୍ୟ ଦାବି କରିଛନ୍ତି ଯେ ଆଇପିଏଲ ୨୦୨୪ ସିଜନ ପାଇଁ ଶମର ଜୋସେଫଙ୍କୁ କିଣିବା ପାଇଁ ୩ ଦଳ ଦୌଡ଼ରେ ଅଛନ୍ତି।
ପାର୍ସନା ସୋସିଆଲ ମିଡିଆ ୱେବସାଇଟ ଏକ୍ସରେ ଦାବି କରିଛନ୍ତି, ଶମର ଜୋସେଫଙ୍କୁ କିଣିବା ପାଇଁ ତିନୋଟି ଆଇପିଏଲ ଫ୍ରାଞ୍ଚାଇଜ ଦୌଡ଼ରେ ଅଛନ୍ତି। ମୋତେ ଏହି ତିନୋଟି ଦଳ ଯୋଗାଯୋଗ କରିଥିଲେ ଏବଂ ଶମର ଜୋସେଫଙ୍କ ଏଜେଣ୍ଟଙ୍କ ବିବରଣୀ ମାଗିଥିଲେ। ମୋର ମନେ ଅଛି ଯେ ଆମେ ଦଳମାନଙ୍କୁ ପରାମର୍ଶ ଦେଇଥିଲୁ ଯେ ସେମାନେ ତାଙ୍କ ଉପରେ ଏକ ବାଜି ଲଗାଇବା ଉଚିତ। କିନ୍ତୁ କେହି ମୋ କଥା ଶୁଣିଲେ ନାହିଁ ଏବଂ ମୂଳ ମୂଲ୍ୟ ୫୦ଲକ୍ଷ ଟଙ୍କା ହୋଇଥିଲେ ମଧ୍ୟ ସେ ନିଲାମରେ ବିକ୍ରି ହୋଇନଥିଲେ। ବର୍ତ୍ତମାନ ମୁଁ ଶମର ଜୋସେଫଙ୍କୁ ଏହି ତିନୋଟି ଫ୍ରାଞ୍ଚାଇଜ ମଧ୍ୟରୁ କେଉଁଟିରେ ଯୋଗଦେବା ଉଚିତ ସେ ବିଷୟରେ ପରାମର୍ଶ ଦେବି।
