ଅନୁଗୋଳ ଅଫିସ, ୨୮ା୧: ଅନୁଗୋଳ ପଞ୍ଚମହାଲସ୍ଥିତ ଲକ୍ଷ୍ମୀ ଅଟୋ କମ୍ବାଇନଠାରେ ଆପେ ଇଲେକ୍ଟ୍ରିକ ତିନି ଚକିଆ ଯାନର ବଜାର ପ୍ରବେଶ ଅନୁଷ୍ଠିତ ହୋଇଯାଇଛି। ଏହି ଅବସରରେ ଲକ୍ଷ୍ମୀଜୀ ଗ୍ରୁପ୍ର ଉପଦେଷ୍ଟା ରମେଶ ଚନ୍ଦ୍ର ଅଗ୍ରଓ୍ବାଲା ଓ ଲକ୍ଷ୍ମୀଦେବୀ ଅଗ୍ରଓ୍ବାଲା ପ୍ରଦୀପ ପ୍ରଜ୍ବଳନ କରି ଉପସ୍ଥିତ ଗ୍ରାହକ ଏବଂ ଅତିଥିମାନଙ୍କୁ ନୂଆ ଇଲେକ୍ଟ୍ରିକ ଗାଡି ବିଷୟରେ ସମ୍ୟକ ଧାରଣା ଦେଇଥିଲେ। ଭାରତ ସରକାରଙ୍କ ସବ୍ସିଡି ଓ ବିନା ରେଜିଷ୍ଟ୍ରେଶନ ଫି ଯୋଗୁ ଏହି ଗାଡି ସ୍ବଳ୍ପ ମୁଲ୍ୟରେ ଉପଲବ୍ଧ ହେଉଛି। ଏଥିରେ ଗ୍ରାହକମାନେ ଲାଭବାନ ହୋଇପାରିବେ। ଗାଡିଟିକୁ ନିଜେ ଚାର୍ଜ କରି ବିନା ଡିଜେଲ ଓ ପେଟ୍ରୋଲରେ ଚଳାଇ ପାରିବେ। ଗାଡିର ମେଣ୍ଟେନାନ୍ସ ଚାର୍ଜ ମଧ୍ୟ ବହୁତ କମ୍। ଲକ୍ଷ୍ମୀ ଅଟୋ କମ୍ବାଇନ ଭବିଷ୍ୟତରେ ଉନ୍ନତମାନର ଇଲେକ୍ଟ୍ରିକ ଗାଡି ସହିତ ଗ୍ରାହକମାନଙ୍କୁ ଉତ୍ତମ ସେବା ଯୋଗାଇ ଦେବା ପାଇଁ ପ୍ରତିଶ୍ରୁତିବଦ୍ଧ ବୋଲି ଅଗ୍ରଓ୍ବାଲା ପ୍ରକାଶ କରିଥିଲେ। ସହରର ବହୁ ମାନ୍ୟଗଣ ବ୍ୟକ୍ତି ଓ ଗ୍ରାହକମାନଙ୍କ ଉପସ୍ଥିତିରେ ଏହି ବଜାର ପ୍ରବେଶ କାର୍ଯ୍ୟକ୍ରମ କରାଯାଇଥିଲା। ଶେଷରେ ଲକ୍ଷ୍ମୀ ଅଟୋ କମ୍ବାଇନର ସମସ୍ତ କର୍ମଚାରୀ ଅତିଥି ଓ ଗ୍ରାହକଙ୍କୁ ଧନ୍ୟବାଦ ଦେଇଥିଲେ।