ସିଡ୍ନୀ,୨୦।୬ : ପ୍ରାୟ ଦେଢ଼ କୋଟି ବର୍ଷ ପୂର୍ବେ, ମାଙ୍କଡମାନଙ୍କ ମସ୍ତିଷ୍କରେ ଏକ ଗୁରୁତ୍ୱପୂର୍ଣ୍ଣପରିବର୍ତ୍ତନ ହୋଇଥିଲା। ଯେଉଁଥିପାଇଁ ସେମାନଙ୍କର ମସ୍ତିଷ୍କ ମଣିଷ ପରି କାମ କରିବା ଆରମ୍ଭ କରିଥିଲା। ଏହି ପରିବର୍ତ୍ତନଗୁଡିକ ଯୋଗୁ ସେମାନେ ନିଜକୁ ନୂଆ ଢାଞ୍ଚାରେ ଗଢ଼ିଲେ ଏବଂ ଭୂମିରେ ଅଧିକ ସମୟ ବିତାଇବା ଆରମ୍ଭ କଲେ। ବୈଜ୍ଞାନିକମାନେ ମାଙ୍କଡମାନଙ୍କର ମସ୍ତିଷ୍କ ୩.୬ କୋଟି ବର୍ଷ ପୁରୁଣା ଖପୁରୀର ଅବଶେଷ ସହିତ ବର୍ତ୍ତମାନର ମାଙ୍କଡ଼ଙ୍କ ସହିତ ତୁଳନା କରିବା ପରେ ଏହା ଜାଣ ପାରିିଛନ୍ତି ।
ଅଷ୍ଟ୍ରେଲିୟା ନ୍ୟାଶନାଲ ୟୁନିଭରସିଟିର ବୈଜ୍ଞାନିକମାନେ ଏକ ଅଧ୍ୟୟନରେ ମାଙ୍କଡ଼ମାନେ କିପରି ନିଜ ପରିବେଶ ସହିତ ନିଜକୁ ଖାପ ଖୁଆଇଥିଲେ ସେ ସମ୍ବନ୍ଧରେ ଏହି ଆକର୍ଷଣୀୟ ଅନୁସନ୍ଧାନ କରିଛନ୍ତି। ଅଧ୍ୟୟନର ଫଳାଫଳ ଦର୍ଶାଇଛି ମାଙ୍କଡଙ୍କ କାନ ପଛପଟେ ଥିବା ଅଂଶ ସ୍ମୃତଶକ୍ତିି ଏବଂ ଯୋଗାଯୋଗ ଭଳି କାର୍ଯ୍ୟ ପାଇଁ ଦାୟୀ। ପ୍ରାଚୀନ ମାଙ୍କଡମାନଙ୍କ ମସ୍ତିଷ୍କରେ ଏହା ଛୋଟ ଥିଲା। ଯେତେବେଳେ ମାଙ୍କଡଙ୍କ କାନ ପଛପଟେ ଥିବା ଅଂଶ ବଢ଼ତବାକୁ ଲାଗିଲା, ସେତେବେଳେ ସେମାନଙ୍କର ମସ୍ତିଷ୍କର ଆକାର ଅନ୍ୟ ପ୍ରଜାତିଙ୍କ ସହିତ ସମାନ ହେବାକୁ ଲାଗିଲା। ଏହାର ସାହାଯ୍ୟରେ ସେମାନେ ଶିକାରୀଙ୍କ ସ୍ବରକୁ ମଧ୍ୟ ଚିହ୍ନିବା ଏବଂ ମନେ ରଖିବା ଆରମ୍ଭ କରିଥିଲେ।