ନୂଆଦିଲ୍ଲୀ,୨୩।୧୧ : ମୁଖ୍ୟ ନିର୍ବାଚନ କମିଶନର (ସିଇସି) ଏବଂ ନିର୍ବାଚନ କମିଶନର (ଇସି) ନିଯୁକ୍ତି ପ୍ରକ୍ରିୟା ଉପରେ ସୁପ୍ରିମକୋର୍ଟଙ୍କ ପ୍ରଶ୍ନର ଉତ୍ତରରେ କେନ୍ଦ୍ର ସରକାର କହିଛନ୍ତି ଯେ ପ୍ରତ୍ୟେକ ଥର ବରିଷ୍ଠତା ଆଧାରରେ ଏହି ନିଯୁକ୍ତି କରାଯାଇଥାଏ। ଆମକୁ କେବଳ ସିଇସି ଭାବେ ନୁହେଁ ନିର୍ବାଚନ ଆୟୋଗରେ ଥିବା ବ୍ୟକ୍ତିଙ୍କ ସମ୍ପୂର୍ଣ୍ଣ କାର୍ଯ୍ୟକାଳକୁ ଦେଖିବା ଜରୁରୀ ହୋଇଥାଏ।
ସୁପ୍ରିମକୋର୍ଟଙ୍କ ଅଭିଯୋଗ ଉପରେ ୨୦୦୭ ମସିହାରୁ ସମସ୍ତ ସିଇସିଙ୍କ କାର୍ଯ୍ୟକାଳକୁ ହ୍ରାସ କରାଯାଇଛି ବୋଲି କେନ୍ଦ୍ର ସରକାରଙ୍କ ନିକଟରେ ହାଜର ହୋଇଥିବା ଆଟର୍ର୍ନି ଜେନେରାଲ ଆର ଭେଙ୍କଟାରମଣି କହିଛନ୍ତି ଯେ ପ୍ରତ୍ୟେକ ଥର ବରିଷ୍ଠତା ଆଧାରରେ ଏହି ନିଯୁକ୍ତି ଦିଆଯାଉଛି। ଗୋଟିଏ ମାମଲା ବ୍ୟତୀତ ପ୍ରତ୍ୟେକ ଥର ଏହା କରାଯାଇଥିଲା।। ଆମକୁ କେବଳ ସିଇସି ନୁହେଁ ନିର୍ବାଚନ ଆୟୋଗରେ ଥିବା ବ୍ୟକ୍ତିଙ୍କ ସମ୍ପୂର୍ଣ୍ଣ କାର୍ଯ୍ୟକାଳକୁ ମଧ୍ୟ ଦେଖିବାକୁ ପଡ଼ିଥାଏ। ୨-୩ ପୃଥକ ପୃଥକ ଘଟଣାକୁ ଛାଡ଼ିଦେଲେ ଅନ୍ୟମାନଙ୍କ କାର୍ଯ୍ୟକାଳ ବୋର୍ଡରେ ୫ ବର୍ଷ ରହିଛି। ତେଣୁ କାର୍ଯ୍ୟକାଳର ସୁରକ୍ଷା ସମ୍ବନ୍ଧରେ କୌଣସି ଅସୁବିଧା ନାହିଁ ।
ଏଥିପାଇଁ ସୁପ୍ରିମକୋର୍ଟ ପଚାରିଛନ୍ତି, ଇସି ଭାବରେ ନିଯୁକ୍ତି ପାଇଁ କୌଣସି ନିର୍ଦ୍ଦଷ୍ଟ ପ୍ରକ୍ରିୟା ଅଛି କି?
ଆଟର୍ନି ଜେନେରାଲ କହିଛନ୍ତି, ଏହା ପରମ୍ପରା ଆଧାରରେ କରାଯାଇଥାଏ। ସିଇସିଙ୍କ ପାଇଁ କୌଣସି ପୃଥକ ନିଯୁକ୍ତି ପ୍ରକ୍ରିୟା ନାହିଁ। ଇସି ଭାବରେ ନିଯୁକ୍ତି କରାଯାଇଥାଏ। ପରେ ବରିଷ୍ଠତା ଆଧାରରେ ସିଇସିଙ୍କ ନିଯୁକ୍ତି ହୋଇଥାଏ।